Eusko Jaurlaritzak Kontzertu Ekonomikoaren Batzorde Mistoa deitzea eskatu du
Josu Erkoreka Eusko Jaurlaritzako bozeramaileak berretsi du "premiazkoa, lehentasunezkoa eta oso garrantzitsua" dela Eusko Jaurlaritzarentzat Pedro Sanchezen Exekutiboak Kontzertu Ekonomikoaren Batzorde Mistoaren bilera "ahalik eta lasterren" deitzea, Jaurlaritzaren "finantza- eta aurrekontu-etorkizuna argitzeko".
Gobernu Kontseiluaren osteko prentsaurrekoan, Eusko Jaurlaritzako bozeramaileak "diru-bilketa jaistearen ondorioz, baliabide publikoetan sortutako hutsunearen ostean", zorpetzea handitzea adosteko Espainiako Gobernuari eskatutako Kontzertu Ekonomikoaren Batzorde Mistoaren inguruan galdetu diote.
Bozeramaileak azaldu duenez, Espainiako Gobernuaren aldetik ez dago oraindik erantzun "argirik" Eusko Jaurlaritzak Kontzertu Ekonomikoaren Batzorde Mistoa deitzeko egin dion eskaerari dagokionez.
Ildo horretan, Kontzertu Ekonomikoaren Batzorde Mistoaren azken bilera martxoaren 11n izan zen Madrilen, eta "bi aldeek bigarren bilera bat egiteko konpromisoa hartu zuten, urteko lehen seihilekoa amaitu baino lehen".
"Lehen seihilekoa amaitu da, bilera oraindik ez da egin, eta ez da deitu, eta, hala ere, Eusko Jaurlaritzarentzat, finantza-etorkizuna argitze aldera, oso garrantzitsua da jakitea zein den aitortuko zaigun zorpetzeko gaitasunaren irismena edo Itunaren Batzorde Mistoan adostuko dena", azpimarratu du.
Erkorekak gogorarazi duenez, diru-bilketan "murrizketak izan dira", eta egoera hori autonomia-erkidego guztietan eman da, "baina gainerako autonomia-erkidegoetan, erregimen komuna dutenen kasuan, behintzat, Gobernu zentralak osorik edo zati batean orekatuko ditu, erkidegoen artean banatu zen funtsaren bidez, eta, ordea, foru erkidegoetan bilketa horren murrizketa ez da orekatuko".
Hori dela eta, Batzorde Mistoaren deialdia eskatzean, Eusko Jaurlaritza "baliabide publikoetan sortutako hutsunea ordezkatzea edo estaltzea ahalbidetuko duen mekanismo bat" eskatzen ari dela gogorarazi du, "diru bilketaren jaitsiera eta zorpetzean izandako igoera dela eta". "Hori da Kontzertua Ekonomikoaren Batzorde Mistoan zehaztu eta hitzartu behar den zorpetzea", adierazi du.
Bozeramailearen hitzetan, Eusko Jaurlaritzarentzat "premiazkoa, lehentasunezkoa eta oso garrantzitsua" da bilera "ahalik eta azkarren" egitea, "Jaurlaritzaren finantza- eta aurrekontu-etorkizuna argitzeko".
Erkorekak azaldu duenez, "ez da elkarrizketarik behar, deialdiak lekua hartu behar du", eta bilera deitzeko arazorik balego, Espainiako Gobernuan egongo litzatekeela; izan ere, Espainiako Gobernua da "urteko lehen seihilekoa amaitu baino lehen Kontzertu Ekonomikoaren Batzorde Mistoa deituko zuela adierazi zuena".
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.