Sagardui: "Euskadiko osasun sisteman ez da murrizketarik egon eta ez da egongo"
Gotzone Sagardui Osasun sailburuak ostiral honetan esan duenez, "Euskadiko osasun sisteman ez da murrizketarik egon eta ez da egongo", eta, horren ustez, "ezin da ez kontratazioez edo murrizketez hitz egin", "une honetan Osakidetzan milaka pertsona kontratatzen direnean, ohiko langileen gainetik".
Legealdiko lehen kontrol saioan, Eusko Legebiltzarrean, Jon Hernandez Elkarrekin Podemos-IUko legebiltzarkideak Osasun sailburuari Arreta Etengabeko Puntuen egoeraren inguruan galdetu dio, eta horietako zenbait itxi dituztelako kezkaturik agertu da, "jende askok ospitaleetako larrialdietara" jo behar izan duelako.
Sailburuaren hitzetan, Arreta Etengabeko Puntuen egoera testuinguruaren ondorio da. Zerbitzu publiko baten kudeaketan, baliabideak uneko eskaerara "egokitu" behar direla adierazi du Sagarduik.
Horren harian, osasun profesionalei oporrak udan hartzea eskatu zietela gogorarazi du sailburuak, datozen hilabeteetan COVID-19ak gogor astintzea espero dutelako, eta urriaren 12a baino lehen langile guztiak bueltatuko dira gaineratu du.
Edozein sistema publikoren baliabideak "mugatuak" direla, eta, beraz, "modu eraginkorrean" kudeatu behar direla adierazi du. Hori da Eusko Jaurlaritzaren helburua, erantsi duenez. "Irtenbidea ez da beti gehiago izaten, kudeaketa arduratsu eta etikoa baizik", nabarmendu du.
Gainera, sailburuak eskua luzatu die beharginen ordezkariei, "aurrera egiteko bidea elkarrizketa delako, eta ez konfrontazio sistematikoa". "Elkarrizketaren bideari eutsi nahi diogu, eta borondate horrekin joango gara sindikatuekin adostutako bileretara", azpimarratu du.
Arreta Etengabeko Puntuen eginbehar nagusia osasun zentroak itxita daudenean zerbitzua ematea dela gogorarazi du agintariak. "Osasun zerbitzu guztien funtzionamendua berrantolatzera behartu du pandemiak, baita Arreta Etengabea ere, Euskadin eta munduko herrialde guztietan", onartu du.
Hala ere, "zerbitzuari kalterik egin gabe", aldaketak egin dituztela defendatu du Sagarduik. Euskadin orain 25 arreta puntu baino gehiago daudela zehaztu du, "langile gehiago" dituztela. "Larrialdi zerbitzuek ez dute pertsona gehiago artatu behar izan, horrek nahikoa erakusten du", azpimarratu du.
Horregatik, Arreta Etengabearen egoera "ona" da, eta "Euskadi erantzuna emateko gaitasuna izaten ari da", horren hitzetan.
Albiste gehiago politika
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.