Lemoako bikarioa kargutik kendu dute ETAren inguruko iritzia eman ondoren
Lemoako (Bizkaia) bikarioa kargutik kendu dute, Iñaki Artetaren Bajo el silencio dokumentalean ETAren inguruan egindako adierazpenengatik. “Ez zen terrorismoa, errepresioari erantzuna baizik”, eta “bandoen arteko gerra” bat, ziurtatu zuen parrokoak elkarrizketan.
Bilboko Elizbarrutiak jakitera eman duenez, Mario Iceta Bilboko gotzainak erretorearen gutun bat jaso du. Bikarioak barkamena eskatu du, eta bere aginduetara jarri da.
Horrela, Gotzainen Kontseiluak ezohiko bilera egin du larunbat honetan. Ondoren, Bilboko gotzaina eta Joseba Segura gotzainaren ondokoa abadearekin bildu dira. Kargutik kendu behar zutela jakinarazi diote.
Era berean, apaizak atzo igorritako gutuna argitaratzea erabaki dute. Emandako iritziengatik damutu eta “barkamena zintzo” eskatzen du bikarioak.
“Zoritxarreko adierazpenengatik” damutzen da parrokoa gutunean, sentitzen duena egoki azaldu ez zuelako, ezta Elizbarrutiaren iritzia ere.
“Nire adierazpenek iraindu eta min eman dieten biktimei eta pertsona guztiei barkamen eskatzen diet bene-benetan. Nire ibilbidean zehar bakearen eta elkarbizitzaren aldeko ekimenak babestu ditut Elizbarrutian, eta egiten jarraitu nahi dut”, erantsi duenez. Era berean, bere jokabidearen ondorioak onartuko dituela dio bikarioak.
Sare sozialen bidez, abadearen hitzak “onartezinak eta biktimentzako eta gizarte osoarentzako iraingarriak dira”, salatu du Fernando Buesa Fundazioak. Horregatik, “ETAren terrorismoari zilegitasun etiko, sozial eta politikoa kentzeko, atsedenik gabe memorian sakontzeko lanean jarraitzea”, eskatu du Fundazioak.
Era berean, Lemoako parrokoaren adierazpenekin haserre agertu da Covite biktimen elkartea. Coviteren ahotan, “Euskal Herriko Elizaren sektore zabalek ETA babestu eta justifikatu dute”.
“Zoritxarrez, ETA bizikide izan duen euskal abade bakarra ez da izan, asko izan direlako”, kritikatu du biktimen elkarteak.
Azkenik, Dignidad y Justicia elkarteak elizgizonaren aurkako kereila aurkeztu du Auzitegi Nazionalean, ETAren terrorismoa justifikatzea eta biktimak umiliatzea egotzita.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.