Geroa Sozialberdeak alderdia sortu eta Uxue Barkos izendatu dute idazkari nagusi
Geroa Sozialberdeak alderdiaren lehen kongresu eratzailea ospatu da larunbat honetan Iruñean, eta Uxue Barkos, Nafarroako presidente izandakoa eta gaur egun Geroa Bairen bozeramaile dena Parlamentuan, izendatu dute Nafarroako alderdi politiko berriaren lehen idazkari nagusi.
Orain arte, EAJk eta independente batzuek osatzen zuten Geroa Bai koalizioa, eta horiek dira, hain zuzen ere, alderdi berria sortu dutenak. Hala, alderdi berri batekin, baina Geroa Bai koalizioan jarraituko dute hemendik aurrera ere.
Botoen %98,8 eskuratu ditu Barkosek.
Hurrengo lau urterako idazkari nagusiaz gain, zuzendaritza batzordea osatuko duten alderdikideak ere hautatu dituzte gaurko batzarrean: Uxue Barkos, Koldo Martinez, Ana Ollo, Jose Mari Aierdi, Gorka Azpiroz, Jon Gondan, Pablo Azkona, Jabi Arakama, Itziar Gómez, Isabel Aranburu, Ana Ansa, Guillermo Ezquieta, Fernando Dominguez eta Esther Cremaes.
Hala, gaur egun Geroa Baik Nafarroako Gobernuan dituen lau kontseilaritatik hiru alderdi berriko zuzendaritzan eongo dira, baita Martinez senataria ere.
Ideia sozial eta ekologistak
Geroa Soziaberdeaken jaiotza "ez dela ez ausazkoa ez kasualitatea" azpimarratu du Barkosen bere hitzaldian, "une historiko" batean gertatzen delako, "inoiz aurre egin ez diegun arazoei erantzuna ematera behartzen gaituelako". Pandemiak eragin duen egoera "kritikoa" izeberg baten punta baino ez dela esan du, "osasun arlokoa ez ezik, gaixotasun ekonomiko, geopolitiko eta, batez ere, soziala ere badelako".
"Birusak sistema agortu baten kontraesan guztiak agerian utzi ditu", azpimarratu du Barkosek. "Sozial berdea izatea, ekonomia zirkularrean oinarritutako ekoizpen eta kontsumo eredu berri baten aldeko apustua egitea da, zentzuz jokatzea besterik ez, baliabideak zentzuz erabiltzea, beti agortzen direlako", erantsi du. Sozial berdea izatea, "orekaren aldeko apustua egitea da, hazkundearen gainetik", gaineratu du.
Barkosen esanetan, alderdi politiko berriak "nortasun ikur propioa du, Nafarroaren nortasuna, Nafarroa burujabe, historikoa eta kulturalki Euskal Herrian eta Europan kokatua". "Gure asmoetan zalantzarik ez izan: Nafarroa subjektu politiko gisa defendatuko dugu, bere etorkizuna erabakitzeko eskubidearekin. Bakean bizi den Nafarroa nahi dugu, eskubide sozialetan eta ingurumen jasangarritasunean erreferente, arlo sozialean eta berdean oinarritutako ereduan lanpostuak eta aberastasuna sortzeko gai den Nafarroan", azpimarratu du.
Albiste gehiago politika
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.