Kataluniako Gobernuak hirugarren gradua eman die berriro preso independentistei
Kataluniako Justizia Departamentuak hirugarren gradua eman die berriro preso dauden buruzagi independentistei, Carme Forcadell Parlamentuko presidente ohiari salbu. Izan ere, ebazpenaren zain dago oraindik, Gorenak baimena atzera bota zionetik bi hilabete igaro direnean.
Justizia Departamentuak ohar batean jakitera eman duenez, Zigor Neurrien Idazkaritzak onartu egin du kartzelek proces auziko presoentzat proposatutako neurria. Gehienek dagoeneko beteta dute edo betetzeko zorian daude zigorraren laurdena; beraz, baimen arruntak jasotzeko aukera dute.
Hain zuzen ere, Oriol Junqueras presidenteorde ohiari, Jordi Turull, Josep Rull, Quim Forn eta Raul Romeva kontseilari ohiei, Jordi Sanchez ANCko presidente ohiari eta Jordi Cuixart Omnium Culturaleko presidenteari eman die Esther Capellak zuzendutako departamentuak egunez kartzelatik irten eta asteburuetan etxean lo egiteko baimena.
Urtarrilaren 29tik aurrera izango dute indarrean hirugarren gradua, nahiz eta baimen horren aurka helegitea aurkezteko aukera duen Fiskaltzak, Auzitegi Gorenak epaia eman arte. Izan ere, Gorenak du azken hitza.
Uztailean ere, antzeko zerbait gertatu zen Lledonersen preso dauden bederatzi buruzagi independentistekin. Kartzelatik irten eta egun gutxira, zaintza epaileak hirugarren gradua baliogabetu zien, Kataluniako Gobernuak emandako baimena babestu bazuen ere.
Abenduaren 4an, bestalde, Gorenak "itxi" egin zuen auzia, buruzagi independentistei hirugarren gradua errefusatuta. Orduan, Carme Forcadell eta Dolors Bassa ziren baimen hori zeukaten bakarrak, gainerako zazpi preso independentisten zaintza epaileek atzera bota baitzituzten haiei emandako hirugarren graduak.
Zure interesekoa izan daiteke
PPk irabaziko lituzke hauteskundeak Aragoin, baina akordioak beharko lituzke gobernatzeko
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.