Pablo Haselek itxialdia hasi du Lleidako Unibertsitatean, kartzelan sartzea ekiditeko
Pablo Hasel rap-kantariak itxialdia abiatu du Lleidako Unibertsitateko Errektoretzan, kartzelan sartzea ekiditeko. Ostiralean amaitu zitzaion Espainiako Auzitegi Nazionalak espetxean bere borondatez sartzeko eman zion epea.
"Lleidako Unibertsitatean itxialdia hasi dut hainbat solidariorekin batera. Suntsitu egin beharko dute, atxilotu eta espetxeratu nahi banaute", adierazi du gaur goizean Twitter sare sozialean idatzitako mezu batean.
Haseli bederatzi hilabeteko espetxe-zigorra ezarri zion Auzitegi Nazionalak bere abestietan terrorismoa goratzea eta monarkia iraintzea leporatuta. Itxialdi mugagabea goizeko 09:00etan hasi da, ondoan bere askatasuna aldarrikatzen duen Llibertat Pablo Hasel plataformako kideak dituela.
Arratsaldean, 250 lagunek elkarretaratzea egin dute Unibertsitatean, raperoari elkartasuna eta babesa adierazteko.
Mobilizazioa amaituta, gazte asko Errektoretzan sartu dira, itxialdian parte hartzeko. Eraikineko ateak mahaiekin eta aulkiekin blokeatu dituzte.
Haselek sare sozialetan azaldu duenez, protesta honen helburu nagusiak hiru dira: "gertatzen ari denari ikusgarritasuna ematea, atxiloketa oztopatzea eta adierazpen askatasunaren eta gainerako eskubideen eta askatasunen aldeko borroka antolatzeko deia egitea".
Plataformako kide batek ohartarazi du litekeena dela Hasel atxilotzeko eta kartzelatzeko polizia-operazioa datozen orduetan izatea.
Bitartean, Auzitegi Nazionalak atzera bota du abeslariak espetxea saihesteko aurkeztu zuen helegitea.
Bederatzi hilabete eta egun bateko kartzela zigorra ezarri zion Auzitegi Nazionalak 2018ko irailean. Halaber, 30.000 euro inguruko isuna jarri zion, "terrorismoa goratzeagatik eta monarkiaren eta Estatuko indarren kontrako irain eta kalumniengatik". Hain zuzen ere, sare sozialen bidez zabaldutako zenbait mezurengatik zigortu zuten, eta 2015ean ezarri zioten beste zigor bat ere badu betetzeko.
Ostiralean amaitu zen Auzitegi Nazionalak espetxean bere borondatez sartzeko eman zion 10 eguneko epea. Baina Haselek argi utzi zuen ez zela espetxean bere kabuz sartuko, eta atxilotzera joan beharko dutela.
Gainera, behin baino gehiagotan esan du ez duela indultua eskatuko, eta baztertu egin duela erbestera joateko aukera. Ildo berean, besteak beldurtzeko "pagaburu" gisa erabili dutela salatu du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.