Miren Larrionekin gertatutakoa azaltzeko eskatu dio Ortuzarrek EH Bilduri
Andoni Ortuzar EAJren EBBko presidentea "zur eta lur" dago eta "amorrua" sentitzen du PSOEren eta Unidas Podemosen arteko liskarrak direla eta. "Liskarrak izateaz arro agertzen dira, eta Ministroen Kontseiluan haizatzen dute. Okerrena da Gobernuaren jarduera paralisira doala, eta desoreka horrek ezin du jarraitu", esan du.
"EAJk onena zergatik eman behar duen" galdetu dio Ortuzarrek bere buruari, beste "biak oldarraldian dauden bitartean".
Buruzagi jeltzalearen ustez, "hori aldatu behar da: Gobernu krisia izan behar badute eta giltzapetu behar badira, egin dezatela, baina hurrengo egunean ibilbide orri bat markatu behar dute".
Bestalde, Ortuzarrek aitortu du "harrituta dagoela" EH Bilduk Gasteizen duen bozeramailearen dimisioarekin. "Harreman ona izan dut Miren Larrionekin. Politikari konprometitua eta prestatua da. Egoera bitxia da, baina argitasuna falta da. EAJri eskatzen dizkion parametroen erdia betetzeko eskatzen diot EH Bilduri", adierazi du Ortuzarrek Radio Euskadiko "Boulevard Informativo" saioan. Ildo horretan, EBBko presidenteak "ondo joatea" opa dio Larrioni.
Ortuzarren hitzetan, "hutsa" eta "artifiziala" da Tejeroren estatu kolpea gogoratzeko Madrilen antolatutako ekitaldia. "Irudiak garbitzeko itxura egitea ez zaigu gustatzen", esan du Ortuzarrek. "Sistema demokratikoa hobetzeko" eskatu du.
Intxaurrondoko kuartelean torturapean hildako audio berriak filtratu ostean, Mikel Zabalza auzia berriro irekitzea eta ikertzea eskatu du Ortuzarrek. "Zabalza kasua gertutik tokatzen zait, kazetaria nintzenean idatzi nuelako kasuari buruz. Hainbeste gauza jakin genuen Intxaurrondori buruz eta Gal berdeari buruz... harro nago tramak egunkarian azaltzeaz". Ortuzarrek neurriak hartzeko deia egin du, EAEko polizia-etxeetan tortura kasuak berriro gertatzeko arriskua murrizteko.
PPko idazkari nagusiaren hitzei dagokienez, Ertzaintzari babesa emateko eskatu dio EAJri, Ortuzarrek erantzun dio "artifiziala eta faltsua" dela "orain Ertzaintza defendatzea", eta ez duela "inork defendatzea behar". "Bere ekintza defentsarik onena da", esan du. Otegiren adierazpenen harira, Ortuzarrek adierazi du ezker abertzaleko hainbat pertsona Ertzaintzan sartzen ari direla. "Jendea bere iraganaz gogoratzen da", erantsi du.
Bilbon, Gernikan eta Lekeition izan berri diren istiluen harira, Ortuzarrek uste du "egoeren nahasketa bat dagoela", eta bere ustez, "eragin etiliko handia dago istiluetan. Nor dago atzean? Gazteriaren zati bat ere antolatua dago istiluak pizteko".
AUDIO: "Estoy extrañado: pido a EH Bildu que explique lo que ha pasado con Miren Larrion"
CONTENIDO NO ENCONTRADO
Zure interesekoa izan daiteke
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten, ez aitarekin ez inorekin"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garain, musukoak erosteko lehiaketa publikoetatik irabaziak ateratzea leporatuta, 24 urte arteko kartzela zigorrak eskatu ditu fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.