EAEko neurri berriak "inprobisazio eta zentzugabekeriatzat" hartu ditu oposizioak
EH Bilduk, Elkarrekin Podemosek eta PP+Csek Eusko Jaurlaritzak pandemiaren aurka borrokatzeko hartutako neurri berriak kritikatu dituzte, "inprobisazioa eta zentzugabekeria" izateagatik, eta Gobernua osatzen duten alderdiek, EAJk eta PSEk, egunero aldatzen ari den egoera batean gaudela esan dute.
Legebiltzarkideek pandemiaren eragina eta Iñigo Urkullu lehendakariak iragarritako neurri berriak izan dituzte hizpide Radio Euskadiko 'Parlamento en las Ondas' saioan.
Zentzu horretan, EAJko legebiltzarkide Leixuri Arrizabalagarentzat, hartutako neurriak LABIren gomendio zientifikoetan oinarritzen dira, baita Bizi Berri III planaren aurreikuspenetan; beraz, bere ustez, "ustekabe gutxi" izan dira, eta "ez dago inprobisaziorik ezta zentzugabekeriarik ere".
"Ospitaleetako presioa altua da eta aldaera britainiarrak asko kezkatzen du", ohartarazi du, eta gehitu du Jaurlaritzak "Europa osoan oso aldakorra den egoera baten aurrean erantzuten diola".
Martxoaren 26a baino lehen eta apirilaren 1etik 11ra arte gaua pasatzeko erreserbak egin dituztenak mugitu ahal izango dira. Horri dagokionez, ordezkari jeltzaleak gogorarazi du Exekutiboak eskatu ziola jendeari ez mugitzeko, baina Aste Santuko erreserbak "kontuan izan beharreko gaia" zela.
EH Bilduko Nerea Kortajarenak, bestalde, esan du azken egunetan gertatutakoa "zentzugabekeria" izan edla, LABI teknikoak esan zuelako ez zirela neurri berriak behar eta 24 ordu beranduago Urkulluk LABI instituzionala deitu zuelako.
"Jaurlaritzak, 24 ordu lehenago neurri murriztaile berririk ez zirela falta esaten zuenak, mugikortasun murrizketak onartzen ditu, eta gero Aste Santua salbatzeko erabakia hartzen du, udalerrien zerrenda gaur argitaratuta, asteartean egin beharrean, eta erreserbak egin dituztenentzat salbuespenak eskainita", kritikatu du.
Bere ustez, "oso bortitza" izango den laugarren olatu baten aurrean gaude, eta horren kontra Euskadin "inprobisatzen da eta txertatzeko orduan azken postuan gaude". "Ez dago inor hau ulertuko duenik. Argiak eta koherenteak izan behar gara, ondo informatu eta nahasmena ez sortu", nabarmendu du.
PSE-EEko bozeramaile Eneko Anduezak esan duenez, inork ezin du pentsatu lehendakaria erabakiak modu "apetatsuan" hartzen ari dela, baina egoera "aldakorra" dela eta horrek "erabakiak hartzera behartzen du2.
"Ez dut uste Jaurlaritza modu arduragabean jokatzen ari denik, baizik eta modu arduratsuan, egunetik egunera aldatzen den egoera baten aurrean", adierazi du, eta gehitu du euskal gizarteak "murrizketak argi dituela".
Bere ustez, oposizioarentzat, Eusko Jaurlaritzak edozer gauza egiten duela, "beti egongo da zerbait gaizki", eta esan du berpiztu behar diren sektore ekonomikoak daudela. Gainera, uste du Turismo Sailaren kanpaina "zuhurtzian" oinarritzen dela.
Isabel Gonzalez Elkarrekin Podemos-IUko legebiltzarkidearen ustez, harrigarria da orain dela hiru aste lehendakariak EAE osoko mugikortasuna irekitzea, eta hori "zuhurtzia faltaren" erakuslea dela.
Era berean, pandemiaren kontrako neurri berriak hartzeko orduan ematen den "inprobisazio nabarmena" salatu du, eta ohartarazi du "LABIn deskoordinazioa" dagoela.
Gonzalezek gogorarazi du mugikortasun handiagoarekin "kutsatze eta heriotza gehiago" gertatzen direla, eta esan du erreferentziatzat larunbateko datuak hartuta "hiriburu handiak babestea" nahi dela. "Ausarkeria bat da, jakinda mugikortasuna handiagoa izango dela. Eusko Jaurlaritzak ekonomia jarri du herritarren osasunaren aurretik", esan du.
PP+Cs taldeko Laura Garridoren ustez, bestalde, "nahasmen handiegia" izaten ari da neurrien inguruan. Esan duenez, ematen du LABI teknikoa politikoaren azpian dagoela, erabakiak "irizpide zientifikorik gabe" hartzen omen direlako.
Gainera, Garridok salatu du Jonan Fernandezek ez duela LABI teknikoaren burua izateko profil teknikorik, eta ematen diren "inprobisazioa eta aldaketak" kritikatu ditu, baita "ostalaritza kriminalizatzea" ere.
"Ez dago frotatuta kutsatzeak ostalaritzan ematen direnik. Tabernak ixten badira, jendea etxeetan bilduko da, eta hor neurriak lasaitu egiten dira", esan du. Azpimarratu duenez, Euskadi "txertaketa prozesuaren azken postuan dago, eta kutsatzeen buruan", eta horrek zerbait gaizki egin denaren erakuslea da.
Zure interesekoa izan daiteke
Mikel Zabalzaren omenezko autobus martxa gaur amaituko da, Donostian
Guardia Zibilak duela 40 urte hil zuen autobus gidari nafarraren kasua oroitzeko ekimena amaitzeko, ekitaldia egingo dute Boulevardean, eguerdian.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
CAFen kontrako protesta batek Bilboko tranbia geldiarazi du eta Ertzaintzak pertsona bat atxilotu du
Atxilotuak identifikatzeari uko egin dio, Segurtasun Sailaren arabera. Atxilotzeko unean liskarra sortu da, eta Ertzaintzaren lau agente zauritu dira. Protestaren deitzaileek jakinarazi dutenez, hainbat pertsona zauritu dira, jasotako kolpeen ondorioz.
Bilboko tranbiaren zerbitzua eten dute CAFek Israelekin dituen kontratuak etetea eskatzeko
"Boikot Israel. Palestina askatu" lelopean, dozenaka pertsona tranbiaren errailetan etzan dira, bidea oztopatzeko. Ertzaintzak pertsona bat atxilotu du, eta hainbat pertsona zauritu dira, kolpeak hartuta.
EAJ eta PSOE "bereizezinak" direla uste du PPk: "Interes pribatuen mesederako koalizioa da"
Euskadiko PPk Gabonetako bazkaria egin du gaur Gasteizen, eta Miguel Telladok eta Javier De Andres EAEko PPko presidenteak EAJri zuzendu dizkiote kritikak.
Andueza: "Aurrekontu akordioak lortzea Euskadiren alde jokatzea da, horren alde lan egitea"
Eneko Andueza PSE-EEko idazkari nagusiaren arabera, Eusko Legebiltzarrean eta beste erakundeetan sozialisten babesarekin onartu diren edo onartuko diren aurrekontuek argi erakusten dute sozialistak, beste batzuek ez bezala, ez daudela denbora galtzen.
Leire Diez eta Antxon Alonso aske utzi ditu epaileak, kautelazko neurriekin
Aurretik, Ustelkeriaren aurkako Fiskaltzak Leire Diez PSOEko militante ohia, Vicente Fernandez Estatuko Industria Partaidetzarako Sozietateko (SEPI) presidente ohia eta Antxon Alonso enpresaburu gipuzkoarra kautelazko neurriekin aske uzteko eskatu dio epaileari.
Estebanek, Sanchezi: “Eskandaluen jarioa geldiarazi edo hauteskundeak deitu”
EAJren IX. Batzar Nagusiaren amaieran hitza hartu du EBBko presidenteak. Buruzagi jeltzalearen ustez, hauteskundeak deitu “beste aukerarik ez du” Espainiako Gobernuko presidenteak. “Hilabete batzuk iraun ditzake, baina ez urtebete eta erdi: ez da serioa”, erantsi du.
Podemos Euskadik esan du lortzen dituen akordioak gehiengoaren eskubideak bermatzeko direla
Richar Vaquero koordinatzaileak Arabako aurrekontuen inguruan irekitako negoziazioak aipatu ditu; izan ere, Aldundia eta Elkarrekin Podemos-IU akordio bat lortzear daude. "Irmotasun berarekin negoziatzen jarraituko dugu", azpimarratu du.
EAJk datozen lau urteetarako estatutuak onartu ditu militantziaren parte hartzea “sendotu eta aktibatzeko”
Jeltzaleek bilera egin dute gaur Gasteizen EAJren Aberri Estatutu berriak onesteko. Parte hartzea sustatzeko hainbat neurri berri txertatu dituzte, hala nola gai jakinen inguruan alderdikideen iritzia biltzeko kontsultak egitea eta "EAJren jarraitzaile" figura sortzea. Era berean, euskararen eta berdintasunaren defentsa egiteko protokolo eta jarraibideak zehaztu dituzte.