Muriel Larrea, Gipuzkoako PPren presidente berria
Muriel Larrea PP+Cs koalizioko legebiltzarkideak Gipuzkoako PP zuzenduko du aurrerantzean, "toki esanguratsu batean proiektu politikoa hondotik ateratzeko eta batzeko" helburuarekin. Alderdiko presidente izendatu dute lurralde historikoan.
Larrea 1982ko ekainaren 9an jaio zen, Irunen. Kongresuan % 93,83ko babesa lortu du Gipuzkoako PPren presidente berriak. Biltzarra Donostiako Kursaalean egin dute.
Gipuzkoako PPk bizi zuen behin-behinekotasun egoerari amaiera eman dio Larrearen izendapenak. Borja Semperrek alde egin zuenetik, Jose Luis Arruek zuzendu du alderdia lurraldean.
Irundarra eleaniztuna, ezkondua eta lau seme-alabaren ama da. Buruzagi karismatikoa ordezkatzeko eta Gregorio Ordoñez edo Maria San Gil bezalako erreferente handien lekukoa hartzeko erantzukizuna du Larreak.
Larrea "hurbila eta bakegilea" dela diote. Zuzendaritza batzorde berrian "integrazioa bultzatu" nahi izan du, Mikel Lezama eta Jorge Mota zinegotziak kargu nagusietan jarriz.
Sei ordezkari erakundeetan
Hauteskunde ezberdinetan babesa galdu Gipuzkoako PPk, eta lurraldeko erakundeetan soilik sei ordezkari ditu egun: legebiltzarkidea (Larrea bera), batzarkide bat eta lau zinegotzi, horietako hiru Donostian eta bakarra Irunen.
Hain zuzen ere, Irunen eman zion hasiera bere ibilbide politikoari Murielek; izan ere, 2011tik 2020ra zinegotzia izan zen eta azken bost urteetan talde politikoko bozeramaile gisa aritu zen.
2009tik 2012ra Gipuzkoa Belaunaldi Berrien idazkari nagusia izan zen, eta 2011tik 2017ra Espainiako Belaunaldi Berrien idazkariordea.
Euskadiko PPren Ingurumen Politikako idazkariordea da egun PP+Cs koalizioko legebiltzarkidea, eta, gaurtik aurrera, Gipuzkoako PPren presidentea.
Sistema Informatikoen Administrazioan teknikaria da, Frantzian Filologia Germanikoa ikasi zuen, eta frantsesa, alemanera eta ingelesa hitz egiten ditu. Politika "bokazioz" bizi du, txikitan bere aitak hauteskunde kanpainako hasiera ekitaldi batera eraman zuenetik.
Zaletasun nagusiak dantza eta musika ditu, baina brikolajea, lorezaintza eta txakurrarekin menditik paseoak ematea ere gustuko ditu, eta, batez ere, bere lau seme-alabekin jolastu eta disfrutatzea.
Albiste gehiago politika
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.
Gasteizko Udalak biktimek egindako sakrifizioa ez ahazteko deia egin du Miguel Angel Blancoren omenaldian
Gasteizko Udalak ostegun honetan omenaldia egin dio Miguel Angel Blancori, ETAk duela 28 urte bahitu eta hil zuen Ermuko PPren zinegotzia.
"Herri gisa bizirauteko senagatik", EH Bilduk PP agintera heltzea "eragotziko" du
Oskar Matute EH Bilduren diputatuak berretsi du koalizioaren ustez ez direla "nahikoak" Sanchezek ustelkeriaren kontra iragarritako neurriak. Gaineratu du, halaber, ez direla egungo Gobernua "porrot eginarazten saiatuko".
Gizarte Segurantza eta sare elektrikoko inbertsioak aztergai, Pradalesen eta Sanchezen astearteko bilera
Transferentzien Aldebiko Batzordea berriro elkartuko da uztailaren 15ean, Madrilen. Gizarte Segurantzaren erregimen ekonomikoaren eta enplegu-politika pasiboen blokearen lehen paketearen transferentzian aurrera egitea espero du Jaurlaritzak.
Miguel Angel Blancori omenaldia egin diote Chamartingo lorategietan, Madrilen
Igandean 28 urte beteko dira ETAk Blanco hil zuela. Miguel Angel Blanco Fundazioak ekitaldia antolatu du, Ermuko zinegotziaren omenez. Bertan izan dira Alberto Nuñez Feijoo PPren presidentea eta Isabel Diaz Ayuso Madrilgo Erkidegoko presidentea, besteak beste.
Bingen Zupiria: "Segurtasuna zerbitzu publiko bat da erakundeoi herritarrei entzutea dagokigu"
Gaur izan da Basque Segurtasun Foroaren lehen saioa, Gueñesen (Bizkaia). Euskadiko segurtasun integralari buruzko diagnostiko partekatua lortzeko eta arlo horretako etorkizuneko erronkei heltzeko hasi berri den hausnarketa estrategikoko prozesuak erakundeetako, gizarteko, hezkuntzako eta ekonomiako eragile guztiak inplikatu nahi ditu.
Asiron: "Eskuina eta ultraeskuina San Saturninon elkartzen dira, iraintzeko eta erasotzen saiatzeko asmoz"
"Ni konbentzituta nago, aurreko egunean Udaltzaingoaren esku-hartzeagatik ez bada eraso egingo zizkigutela, baina ez dut beste neurririk hartzeko asmorik, orain publikoki salatzeaz gain", salatu du Iruñeko alkateak.