Gonzalez Laya ministro ohia ikertuko dute Brahim Ghali Fronte Polisarioko buruzagia Espainian hartzeagatik
Rafael Lasala Zaragozako instrukzio epaileak Arancha Gonzalez Laya Atzerri ministro ohi donostiarra ikertu gisa deklaratzera deitu du, Brahim Ghali Fronte Polisarioko buruzagia Espainian hartzeagatik. Ghali apirilaren 16an heldu zen Zaragozara.
Gainera, Isabel Valldecabres lekuko gisa deklaratzera deitu du epaileak. Orduan Carmen Calvo Espainiako presidenteordearen kabinete zuzendaria zen Valldecabres, orain Diruaren eta Zerga-zigiluaren Fabrikako zuzendari nagusia da.
Antonio Urdiales abokatuaren herri-akusazioak deklaratzera deitzea eskatu zuen irailaren 13an.
Camilo Villarino Atzerri Ministerioko Kabinetearen buruzagi ohiak epailearen aurrean, Zaragozan, onartu zuen ministro ohiak Espainiaratzea errazteko aginduak eman zizkiola.
Ghali hegazkin mediko batean heldu zen Espainiara, Zaragozako hegazkin-basera, hain zuzen ere, beste pertsona batek lagunduta, Logroñoko San Pedro ospitalean artatzeko, covid-19 larria izan zuelako. Errioxako Osasun zerbitzuko anbulantzia batek eraman zuen bertara arte.
Villarinok Lasala epailearen aurrean irailaren 13an azaldu zuenez, Gonzalez Layak "diskreziorik handiena" eskatu zion; izan ere, bidaiaren zabalkunde publikoak Estatuaren nazioarteko harremanei "kalte" egin ziezaiokeen.
Albiste gehiago politika
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.
Gasteizko Udalak biktimek egindako sakrifizioa ez ahazteko deia egin du Miguel Angel Blancoren omenaldian
Gasteizko Udalak ostegun honetan omenaldia egin dio Miguel Angel Blancori, ETAk duela 28 urte bahitu eta hil zuen Ermuko PPren zinegotzia.
"Herri gisa bizirauteko senagatik", EH Bilduk PP agintera heltzea "eragotziko" du
Oskar Matute EH Bilduren diputatuak berretsi du koalizioaren ustez ez direla "nahikoak" Sanchezek ustelkeriaren kontra iragarritako neurriak. Gaineratu du, halaber, ez direla egungo Gobernua "porrot eginarazten saiatuko".
Gizarte Segurantza eta sare elektrikoko inbertsioak aztergai, Pradalesen eta Sanchezen astearteko bilera
Transferentzien Aldebiko Batzordea berriro elkartuko da uztailaren 15ean, Madrilen. Gizarte Segurantzaren erregimen ekonomikoaren eta enplegu-politika pasiboen blokearen lehen paketearen transferentzian aurrera egitea espero du Jaurlaritzak.
Miguel Angel Blancori omenaldia egin diote Chamartingo lorategietan, Madrilen
Igandean 28 urte beteko dira ETAk Blanco hil zuela. Miguel Angel Blanco Fundazioak ekitaldia antolatu du, Ermuko zinegotziaren omenez. Bertan izan dira Alberto Nuñez Feijoo PPren presidentea eta Isabel Diaz Ayuso Madrilgo Erkidegoko presidentea, besteak beste.