"Ahotsak ixilarazteko" saiakera salatu dute EAko kritikoek Bilbon
Eba Blanco Eusko Alkartasuneko egungo Zuzendaritzaren buruarekin kritiko diren EAko afiliatuen iritziz, alderdiaren barne-egoera "jasanezina" da, eta Maiorga Ramirez bezalako ahotsak "ixilarazteko" saiakera salatu dute.
Ehun bat afiliatu bildu dira larunbat honetan Bilbon, EAk zigor-espedientea ireki zien Maiorga Ramirez Idazkari Nagusirako hautagaiari eta Iratxe Lopez de Aberasturi, Miren Aranoa, Mikel Goenaga eta Esther Korres koordinatzaileei babesa erakusteko helburuz.
Ekitaldian EAko beste hainbat kide izan dira, hala nola, Carlos Garaikoetxea lehendakaria eta EAko sortzailea, Esther Larrañaga Eusko Jaurlaritzako sailburu ohia eta Bruno Zubizarreta EAko Bilboko koordinatzailea. Zubizarretaren hitzetan, EAk pairatzen duen egoera "demokraziaren aurkakoa da".
Bestalde, Larrañagak agiria irakurri du, eta EAn izaten ari diren "demokraziaren kontrako zentzugabekeriak" deitoratu ditu. Alderdiaren erronka da, haren iritzian, "etorkizunean alor estrategikoetan eragina izango duen alderdia izaten jarraitzea". "Barne-egoera sostengaezina da, eta gehiegi luzatu da", gaineratu du.
"Eusko Alkartasuna ez da gai izan sakoneko eztabaida politikoa bide demokratikoetatik eramateko eta, eztabaida hori saihesteko, gure arauak urratu dituzte, auzitegiek ebatzi duten bezala", azpimarratu du.
Primarioak berriro egiteko eskatu du, eta salatu du egungo Zuzendaritzak uko egin diola ezohiko Batzar Orokor bat egiteari, erantzun bakarra izanda alderditik kanporatzeko abiatutako zigor-espedienteak.
Amaitzeko, ohartarazi du militantziaren babesak lortuko duenak "berehala" ireki beharko duela eztabaidarako prozesua, eta "berme guztiekin Batzar Orokor garden" baterako oinarriak ezarri. "Eztabaida politikoa da gure erronkarik handiena. Indar politiko aktiboa izan ala EH Bildun desagertu; horra hor eztabaidaren benetako gakoa", ondorioztatu du.
Albiste gehiago politika
Peinado epaileak Begoña Gomez herri epaimahai batek epaitzea proposatu du, dirua bidegabe erabiltzea egotzita
Datorren larunbatean (18:00etan) epaitegira joateko dei egin dio, aurretiazko agerraldi baterako.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.