Estatuko Aurrekontuak babesteko, Kataluniako mahaian urratsak ematea jarri du baldintzatzat Aragonesek
Pere Aragones Generalitateko presidenteak adierazi du Estatuko Aurrekontuak onartzeko Kongresuan izaten ari diren negoziaketak Kataluniako gatazka politikoa konpontzeko elkarrizketa-mahaian eman daitezkeen urratsekin lotuta daudela.
ETB2ko '12 minutu' saioan, Aragonesek esan du "gatazka politikoa konpontzeko Espainiako Gobernuaren konpromisoa bere horretan mantendu beharko litzateke, Kataluniako Gobernua osatzen duten alderdiek Estatuen Aurrekontuen harira eman dezaketen botoa edozein izanda ere".
Hala ere, "badakigu horrelakoetan pizgarriak sortu behar izaten direla eta, agian, Aurrekontuak negoziatzen egoteak beste mahaian urratsak ematen lagun dezake", erantsi du. Ildo horretan, azpimarratu du "aurrerapausoak paraleloan" ematea ezinbestekoa dela.
Kataluniako Errepublika independentea lortzeko aldebakarreko bidea baztertu ote duen galdetuta, Generalitateko presidenteak adostutako erreferendumaren alde egin du.
"Beste erreferendum bat egongo bada, nazioarteko komunitateak onartzea nahi dut, erabakitzen dena aplikatu ahal izateko, eta horretarako onena erreferenduma Estatuarekin adostea da", azaldu du.
Edonola ere, balizko erreferenduma egiteko datarik jartzea baztertu du, "epeak ezartzea mugimendu independentistaren estrategiaren kalterako" izan daitekeela iritzita.
"Nazioarteko komunitateak onetsitako erreferenduma izango du Kataluniak eta horretarako abiatu dugu negoziaketa prozesu bat Estatuko Gobernuarekin. Gatazka politikoari irtenbide politikoa eman nahi diogu eta gure proposamena argia da: erreferenduma eta amnistia", berretsi du.
Bi gobernuen arteko negoziaketak eman dezakeenaz galdetuta, Aragonesek ohartarazi du horrelako prozesuetan "denbora eta diskrezioa" ezinbestekoak direla.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.