Eneko Andueza izango da PSE-EEren buruzagi berria, botoen % 95 jasota
Eneko Andueza aukeratu dute PSE-EEko militanteek idazkari nagusi berri izateko, botoen % 95,30 jaso baitu gaur egindako hauteskunde primarioetan, alderdiak botoak zenbatu ostean jakinarazi duenez.
Bere aurkariak, Soraya Morla zinegotzi ohi bizkaitarrak, botoen % 4,28 soilik eskuratu du. Barne hauteskundeotako parte-hartzea % 65,75ekoa izan da, botoa emateko eskubidea zuten 5.013 militanteetatik 3.296k eman dutelako botoa.
Pronostikoa bete egin da, ez da ezustekorik izan, eta Andueza faboritoa, zuzendaritzaren babesa zuena, izango da Idoia Mendiaren lekua hartuko duena idazkari nagusi karguan.
Anduezaren nagusitasuna bereziki zabala izan da Gipuzkoan (Eibarkoa da), % 98,3koa hain zuzen ere, eta Bizkaian eta Araban % 93koa izan da.
PSE-EEren idazkari nagusi berri izango dena sozialisten bozeramailea da Eusko Legebiltzarrean, Gipuzkoan idazkari nagusi da, eta egungo zuzendaritzaren babesa zuen primarioetan.
Morla hautagaiak berak aitortu zuen aukera gutxi zituela, eta gaur medioei abisatu ere ez die egin noiz joan behar zuen botoa ematera.
Anduezak, berriz, hitz egin du botoa ematera joan denean, Eibarren, eta irabazle ikusten zuen bere burua. Esan du gaurko barne hauteskundeetatik "aro berria" irekiko dela, "esperantzaz eta ilusioz betea".
Hala, "guztion lana" eskatu du, Euskadira "zigilu sozialista" daramaten aldarrikapenak eramateko, tartean "klima aldaketaren aurkako borroka, berdintasuna eta indarkeria matxistaren aurka", alderdiaren indarra baliatuz, "Europatik Euskadiko udalerri txikienera".
Bozketan botoa emateko eskubidea zutenen % 65ek eman dute boza, eta PSE-EEk esan du datu ona dela bi herenera iristea, zeren Anduezari ematen zitzaion abantailarekin jendea etxean gera zitekeen beldur ziren. Gainera, aurrez-aurreko bozketa zen 74 udal elkartetan, eta zubiaren hasieran.
"Guztiak"
Anduezak eskerrak eman dizkie militante sozialista guztiei jasotako "zalantzarik gabeko" babesagatik, eta esan du "erronka asko" izango dituela "aro berrian".
"Gaur aro berri bat jarriko dugu abian euskal sozialismoan, gure 135 urteko historian, aurrean erronka asko ditugula, egiteko askorekin", gaineratu du sare sozialetan zabaldutako mezuan.
Era berean, EAEko sozialisten buruzagi berriak esan du "guztiak" nahi dituela aldamenean "esperantza, ilusio eta sozialismo aro berria hasteko".
Anduezak Idoia Mendiaren lekukoa hartuko du idazkari nagusi karguan. 7 urteko agintaldiaren ostean, aurreko hilean iragarri zuen ez zuela primarioetan aurkezteko asmorik. PSE-EEren buru ohiak zoriondu egin du Andueza sare sozialetan: "Asko pozten naiz zure garaipenarekin. Euskal sozialistok proiektu berria behar dugu, erronkei erantzuten diena eta irtenbideak ematen dituena, herritarrei irtenbideak emateko gaudelako gobernuetan eta politika egiten".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.