Navarra Sumak bere "eredu arrakastatsua" aldarrikatu du, eta gainerako taldeek baztertu egin dute
Nafarroako Parlamentuan Erkidegoaren egoerari buruzko eztabaidaren bigarren saioa egiten ari dira gaur, eta talde parlamentarioek aurkeztutako ebazpen proposamenak (21, guztira) eztabaidatu eta bozkatuko dituzte. Saioa Navarra Sumak (NA+) aurkeztutako bost proposamenekin abiatu dute. Eskumako koalizioak fiskalitatea, zerbitzu publikoak, azpiegitura estrategikoak, tokiko erakundeak eta enplegua izan ditu ardatz bere ebazpenetan, eta aurretik zegoen "eredu arrakastatsura" bueltatzea proposatu du. Gainerako taldeek kontra bozkatu dute.
Javier Esparza Navarra Sumaren bozeramaileak salatu duenez, Nafarroan "bi gizarte eredu daude: bost alderdik (PSN, Geroa Bai, Podemos, I-E eta EH Bildu) ordezkatzen dutena eta Navarra Sumarena". Horren ildoan, PSNk koalizioa abertzalearekin bat egin izana kritikatu du: "Duela bi urtera arte sozialistek gure eredua partekatzen zuten; Navarra Suma ez da aldatu, eredu arrakastatsua baita".
Horren harian, besteak beste, honakoak proposatu ditu Esparzak: fiskalitatean, sozietateen gaineko zerga jaistea; hezkuntzan, "euskararen gutxieneko ezagutza derrigortzen jarraitzeari uztea", eta azpiegituretan, N-121-A errepidea autobide bihurtzea.
Eskumako koalizioa bakarrik geratu da, eta, aldeko 20 botorekin eta kontrako 30ekin, Parlamentuak atzera bota ditu ebazpenak. PSN, Geroa Bai, EH Bildu, Podemos eta I-E alderdien ustez, Navarra Sumaren estrategia da baztertua izateko moduko puntu bat sartzea bere ebazpenetan, Ganberan "bakarrik" dagoela agerian uzteko.
Zure interesekoa izan daiteke
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.