Aurrekontu akordioan "Nafarroarekiko konpromisoa" dagoela goraipatu du PSNk
PSNk uste du Nafarroako Gobernuak EH Bildurekin lortu duen aurrekontu eta zerga akordioa "Nafarroaren aurrerabidearekin konpromiso irmoa dutenen" adierazpidea dela. Izan ere, "eskuzabaltasunez eta desadostasunak alde batera utzita, nafarren ongizatea helburu duen adostasuna lortzeko negoziatu dute", gaineratu du.
Horixe adierazi du Ramon Alozrriz PSNren Antolakuntza idazkariak ohar batean, eta azpimarratu du legegintzaldiko hirugarren aurrekontuak onartzea "Maria Chivite presidentearen lidergoa eta egonkortasuna erakusten duen lorpena" dela.
"Aurrekontu akordioa oinarrizkoa da krisitik bidezko irtenbidea lortzeko, begirada gastu sozialean jartzen duen aurrekontua delako, guztiaren % 54,8 bideratuko baita horretara. Gainera, herritarren eta beren beharren esku jarriko ditu Nafarroako Biziberritzeko Planaren 500 milioi euroak edo Europako funtsen 200 milioiak. Susperraldirako eta ilusiorako aurrekontua da", azaldu du.
Alzorrizen esanetan, "akordioan ez da jasotzen Nafarroako Gobernuaren politikak partekatzen dituzten gehiengo ezkertiar eta aurrerakoietatik haragoko interesik"; horregatik, eskerrak eman dizkie "Nafarroako gizartearen ordezkari direnen ikuspegi zabala, nahiago dutelako pertsonen eguneroko kezkak konpontzeko neurriak eskaini, alderdikeriak baztertuta".
Era berean, akordioarekin agerian geratu omen da "legegintzaldi hau elkarrizketarena, bizikidetzarena eta negoziazioarena dela. Zerbitzu publikoekiko konpromiso irmoa indartzearen eta bidezko susperraldiaren aldekoa. Batzen gaituenarekiko konpromisoaren legegintzaldia da".
PSNko ordezkariaren arabera, "gutxiengoan dagoen gobernu bat gidatu arren, akordiorako gaitasuna erakusten dugu, Parlamentuko gehiengoarekin adosten nafarrengan eragin positiboa duten lege, dekretu eta gai garrantzitsuetan".
"Nafarroako herritarrek behar dutena proposamenak eta akordioak dira, betoak alboratuta", Alzorrizen arabera. "Navarra Suma eskuindarrak irudikatzen duen Nafarroa ilunaren aurrean, guk etorkizuneko Nafarroaren bidea jarraitzen dugu, esperantzarena, eraldaketa sozialarena, gazteena eta emakumeena. Berdintasunarena eta bizikidetzarena. Guztien Nafarroa, guztientzat", amaitu du Alzorrizek.
Zure interesekoa izan daiteke
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".