Asensiok PSE aldarrikatu du abertzaleen alternatiba gisa, "egonkortasun eta bizikidetza bermea" delakoan
Jose Ignacio Asensio Gipuzkoako PSE-EEren idazkari nagusiak bere alderdia aldarrikatu du abertzaleen alternatiba gisa, "egonkortasunaren eta bizikidetzaren berme" delakoan. Era berean, PSE-EE "euskal ezkerra, ezker baliagarria" dela eta gobernatzeko prest dagoela esan du: "Erronkei aurre egiteko ideiak, ilusioa, gogoa eta pertsonak ditu".
Gipuzkoako PSE-EEk IX. Kongresua egin du gaur, eta 31 udal taldeetako 130 ordezkarietatik % 98,46k eman diote babesa Exekutibari.
Asensiok terrorismoaren biktimak izan ditu gogoan Gipuzkoako sozialisten idazkari nagusi kargua hartu duenean. "Erresistente" deitu die "indarkeriaren bidez proiektu politikoa inposatzen saiatu zirenen aurka bizitza eman zutenei", eta izen hauek aipatu ditu: German Gonzalez, Vicente Gajate, Enrique Casas, Fernando Mugica, Juan Mari Jauregui, Froilan Elespe, Juan Priede, Joseba Pagazaurtundua eta Isaias Carrasco.
Buruzagi sozialistak esan du Gipuzkoako Foru Aldundian egindako kudeaketa dutela "berme" gisa, "agenda sozialdemokratikoa sustatu" dutela, "eztabaida antzuetan, identitate eztabaidetan denbora galdu gabe", "herritarren beharrak eta lehentasunak" kudeatzen. Era berean, udal mailan egindako lana ere goraipatu du.
Horregatik, hurrengo udal eta foru hauteskundeetan sozialistak "garaile" izan daitezkeela uste du, Gipuzkoan "alternatiba ezkertiar eta aurrerakoia" gida dezaketela, "etorkizuneko belaunaldiekiko ardura" dutelako.
Gainera, sozialistek egindako kudeaketa EH Bildurenarekin alderatu du, koalizioa aipatu gabe bada ere. Hain zuzen, Aldundira iritsi zirenean zaborren kudeaketa "kaosa" zela esan du.
Asensiok Eneko Anduezaren postua hartu du, eta esan du PSE-EE "aurrerakoia eta anitza" den Gipuzkoarekin identifikatzen dela, "desberdintasunak errespetatuz".
Eneko Andueza PSE-EEren idazkari nagusiak, bere aldetik, "alderdia zabaltzea" eskatu du, "orain arte bizkarra eman diguten kolektiboei irekitzea", eta "egonkortasunaren, bizikidetzaren, eskubide sozialen eta askatasunaren" alde "indarrak batzea".
Albiste gehiago politika
Miguel Angel Blancori omenaldia egin diote Chamartingo lorategietan, Madrilen
Igandean 28 urte beteko dira ETAk hil zuela. Miguel Angel Blanco Fundazioak ekitaldia antolatu du Ermuko zinegotziaren omenez. Bertan izan dira Alberto Nuñez Feijoo PPko presidentea eta Isabel Diaz Ayuso Madrilgo Erkidegoko presidentea, besteak beste.
Bingen Zupiria: "Segurtasuna zerbitzu publiko bat da eta herritarrei entzutea dagokigu erakundeoi"
"Basque Segurtasun Foroa"k, Euskadiko segurtasun integralari buruzko diagnostiko partekatua lortzeko eta arlo horretako etorkizuneko erronkei heltzeko hasi berri den hausnarketa estrategikoko prozesuak, lehen saioa egin du gaur Gueñesen (Bizkaia). Foro honek erakundeetako, gizarteko, hezkuntzako eta ekonomiako eragile guztiak inplikatu nahi ditu.
Asiron: "Eskuina eta ultraeskuina San Saturninon elkartzen dira, iraintzeko eta erasotzen saiatzeko asmoz"
"Ni konbentzituta nago, aurreko egunean Udaltzaingoaren esku-hartzeagatik ez bada eraso egingo zizkigutela, baina ez dut beste neurririk hartzeko asmorik, orain publikoki salatzeaz gain", salatu du Iruñeko alkateak.
Pradales lehendakariak "memoria-lan integrala" egitearen beharra azpimarratu du, gazteek "iraganeko akatsak" errepikatu ez ditzaten
Imanol Pradales Gogora Memoriaren, Bizikidetzaren eta Giza Eskubideen Institutuaren Zuzendaritza Kontseiluaren bileraren buru izan da Bilbon, "Gogoragunea" erakusketa-gunea irekitzeko egiten ari diren lana bisitatu ondoren.
Feijook Sanchezi eskatu dio "dakien guztia" aitortzea, dirua "itzultzen" laguntzea eta hauteskundeak deitzea
Alberto Nuñez Feijoo PPko buruzagiak gobernu progresista sostengantzen duten bazkideei ohartarazi die Sanchezen eta duintasunaren artean aukeratu behar dutela.
Harekiko konfiantza "ZIUra bidean" dagoela ohartarazi dio EAJk Sanchezi
Maribel Vaquero EAJk Kongresuan duen bozeramaileak ustelkeria kasuek eragin duten "itogina konpontzeko" eskatu dio Pedro Sanchez presidenteari. Azpimarratu du Sanchez "berandu" iritsi dela Kongresuko agerraldira, "mea culpa hankamotza" egin izana aurpegiratu dio, nahiz eta hark baduen, izan, erantzunkizunik politikari ustelak izendatzean.
"Neurri sozialak onartzeko eta programa plurinazional bat" martxan jartzeko ordua da, EH Bilduren iritziz
"Oso exijenteak izango gara PSOErekin eta gobernuarekin, ustelkeria sistemikoarekin amaitzeko eta 78ko erregimenak ezarritako hipotekak behingoz baztertzeko", ohartarazi dio Mertxe Aizpurua EH Bilduk Diputatuen Kongresuan duen bozeramaileak Espainiako gobernuburuari.
Rufianek Sanchezi ohartarazi dio ustelkeria-sarea zabalagoa dela egiaztatuz gero, hauteskundeak egitera behartuko dutela
ERCk babesa agertu dio Gobernuari, baldin eta ustelkeria "hiruk" soilik egin badute. Hala ere, ustelkeria PSOEn zabal-zabal ibiliz gero, hauteskundeak egitera behartuko dutela ohartarazi diote.
Sanchezek bazkideak konbentzitu nahi ditu asteazken honetako osoko bilkuran, ustelkeriaren aurkako neurriak proposatuta
Ekimenak bultzatzeko PSOEren parlamentuko kideen eskakizunak mahai gainean daudela dator hitzordua. Izan ere, haien iritziz orain arte emandako erantzuna eskasa izan da.
Armengolek behin baino gehiagotan gelditu behar izan du osoko bilkura, Yolanda Diazen hitzaldian PPk egindako oihuengatik
Yolanda Diazen hitzaldian, Francina Armengol Ganberako presidenteak hainbat aldiz gelditu behar izan du osoko bilkura, PPren bankadatik zetozen oihu eta ahotsengatik.