Nahikoa baliabide dagoela eta 900 osasun-langile baino gehiago kontratatu dituztela esan dute EAJk eta PSEk
Eguneko bi mila kasu baino gehiagorekin eta ZIUetan ia ehun covid gaixo direla, oposizioak salatu du Eusko Jaurlaritza ez dela behar beste baliabide ipintzen ari, seigarren olatuaren gorakada gelditzeko. Aldiz, EAJk eta PSEk, koalizioan gobernatzen duten alderdiek, goitik behera ukatu dute oposizioko alderdiek esandakoa. Leixuri Arrizabalaga jeltzaleak eta Ekain Rico sozialistak jakitera eman dutenez, azken asteotan "900 osasun-langile baino gehiago kontratatu edo berritu ditu Osakidetzak". Hori, adierazi dutenez, covidaren aurkako borrokan "nahikoa baliabide" ipintzen ari direnaren adibide aski ona da.
Oposizioaren ustetan, berriz, seigarren olatuak "ustekabean" harrapatu du Eusko Jaurlaritza. EH Bildu alderdiko Iker Casanovak adierazi du Jaurlaritza "nokeatuta" eta "erdi lo" dagoela, eta seigarren olatua "gainetik igaro" zaiola. Zentzu horretan, gobernuari leporatu dio ospitaleetako eta lehen-mailako arretako errefortzuak "behar baino lehen" kendu izana. Gainera, Casanovaren aburuz, Eusko Jaurlaritzak eztabaida desbideratu nahi du, "covid ziurtagiriarekin, Gabonetako desfileekin edo Santo Tomasekin batera".
Iñigo Martinez Elkarrekin Podemos-IU taldeko ordezkariak, berriz, azpimarratu du Eusko Jaurlaritzak ez duela "erreakzio ahalmenik" izan, eta "aurreikuspen eza" egotzi dio. Martinezek gogorarazi du kontratatutako 4.000 osasun-langileak mantentzeko eskatu zuela bere koalizioak aurrekontuen negoziazioan, baina Gobernuak eskaerari uko egin ziola.
Bere aldetik, Carmelo Barrio popularrak, PP-Cs koaliziokoak, uste du Eusko Jaurlaritza "geldirik" dagoela, eta "penagarri" gisa izendatu du "gobernu desberdinen arteko ikuskizuna".
Zure interesekoa izan daiteke
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.