Euskal Herria Estatu bilakatzearen alde egin du Otegik, "guztia bertan erabakitzeko"
Arnaldo Otegi EH Bilduko koordinatzaile nagusiak Euskal Herria Estatu subirano bilakatzearen alde egin du, "guztia bertan erabakitzeko, hemen bizi eta lan egiten dutenen artean", eta adierazi du alderdi independentista gobernatzeko prest dagoela.
Hauteskunde-ziklo berria prestatzeko Barakaldoko BECen egindako EH Bilduren Batzar Nagusian egin du agerraldia Otegik. Euskadi Estatu izatea lortzearen garrantzia azpimarratu du, "herriak, bertako jendeak" haren "oinarrizko beharrak bermatuta egotea behar duelako", eta "Estatu baten babespean dagoela jakitea".
Nabarmendu duenez, subiranotasuna "ez dira banderak, koloreak ezta identitateak ere; nork, zer eta non erabakitzen duen baizik". Era berean, adierazi du EH Bilduk "bertan" hartu nahi dituela erabaki guztiak, "hemen bizi eta lan egiten duten guztien artean".
Otegik aipatu egin ditu autogobernuaren "suspertze testuinguruan aurrerapen kualitatiboa" markatuko luketen ardatzak. Argitu du "Euskal Herria errespetua merezi duen nazioa" dela, eta hori hartu behar duela oinarri "edozein estatu politikok eta autogobernuko edozein aurrerapenek". Hala, xedea litzateke "ahalik eta eskuduntza mailarik handiena" lortzea, "aurretik ditugun erronka handiei aurre egiteko".
Gainera, "bermea" eskatu du, "geureak diren eskumenak inork ukitu ez ditzan". "Erabakitzeko eskubidea instituzionalizatzeko" eta "euskal eta nafar lurraldeei euren artean izan nahi duten harremana erabakitzeko eskubidea errespetatzeko" ere eskatu du.
Otegiren aburuz, 2022an "presente" egongo da eztabaida hori, eta gaineratu du "herriak lidergo berria" behar duela.
Hori dela eta, nabarmendu du EH Bildu gai dela, beste indar politiko batzuekin batera, "bloke alternatibo hori artikulatzeko, anbizio nazionalei eta berdintasunezko gizarte bat eraikitzeari uko egingo ez diena" eta, gainera, "proposamen sektorial kontrastatuak ipiniko ditu martxan".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.