Elizaren sexu-abusuen ikerketa, Diputatuen Kongresura iristeko zorian
Diputatuen Kongresuan, Eliza katolikoak adingabeei egindako sexu-abusuen inguruko ikerketa batzordea sortzea hurbilago dago; izan ere, Unidas Podemosek, ERCk eta EH Bilduk egindako eskaera onartzeko prest agertu da Pedro Sanchez Espainiako gobernuburua. Ciudadanos ere ekimenaren alde azaldu da.
Abusuen azken salaketaren ostean gaiak indar handiagoa hartu du; izan ere, 8-9 urte zituela Premia de Marreko (Bartzelona) La Salle ikastetxeko apaiz batek, irakasle eta tutoreak, bortxatu, masturbatu eta ukituak askotan egin zizkiola salatu du Alejandro Palomas idazle ezagunak.
Zentzu horretan, Palomasen (Bartzelona, 1967) "kemena" eta "ausardia" eskertu ditu Pedro Sanchezek. 2016an Haur eta Gazte Literatura Sari Nazionala eta 2018an Nadal eleberri saria jaso zituen idazleak.
Gainera, Eliza katolikoan adingabeei egindako sexu erasoak eta abusuak argitzeko, Diputatuen Kongresuan ikerketa batzorde bat sortzeko prest azaldu da Espainiako presidentea, Unidas Podemosek, ERCk eta EH Bilduk eskatu bezala. Hala ere, aurrena biktimekin hitz egitea eta haien testigantzak entzutea izango dela esan du Sanchezek.
Ikerketa batzordea sortzea babestuko duela iragarri du Ciudadanos alderdiak. Ondorioz, sozialisten babesa baldin badu, ekimena aurrera aterako litzateke. PPk, ostera, aurkako botoa emango du, ekintzarako esparrua judiziala izan behar dela uste duelako.
Batzordea sortzea planteatu zuten indar politikoek uste dute abusuak egoitza parlamentarioan ikertzeak auzi preskribatuen biktimei erreparazio bat erraztu dezakeela, askatasunez euren esperientzia kontatzeko esparru bat emanez eta erakundeen erantzukizuna onartuz.
Kongresuak abusuak ikertzeko aukerak beste bide bat irekitzen die biktimei, Juan Jose Omella Gotzainen Biltzarreko presidenteak "oraingoz" batzorde independente bat sortzea baztertu ondoren, nahiz eta Portugal bezalako herrialdeek tresna hori martxan jarri.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.