Chivitek eta Anduezak irmo gaitzetsi dute PPk eta Voxek Gaztela eta Leonen sinatutako akordioa
Maria Chivite PSNko idazkari nagusi eta Nafarroako Gobernuko presidenteak eta Eneko Andueza PSE-EEko idazkari nagusiak bat egin dute ostiral honetan PPk eta Voxek Gaztela eta Leonen lortutako itunaren aurka. Sozialisten arteko ohiko lan-bilera baten ostean egin dituzte adierazpenak, oraingoan PSNren Iruñeko egoitzan.
Gaztela eta Leongo PPren eta Voxen arteko itunak eta bi alderdiek defendatzen dituzten "tesi atzerakoi eta eskubide-murrizketekin" demokraziak jasan ditzakeen kalteez ohartarazi du Maria Chivitek, "batez ere emakumeekin zerikusia duten kontuetan, genero-indarkeria bera ere zalantzan jartzen baitute". Alderdi horiek "konfrontazioan" zentratuta daudela adierazi du, eta azpimarratu du, ez dela hori herritarrek eskatzen eta behar duten erantzuna, herritarrek eskatzen dutena "batasuna eta elkarlaguntza" delako.
Eneko Anduezak Maria Chiviteren jarrerarekin bat egin du, eta oso kritiko agertu da da Alderdi Popularrak eta Voxek Gaztela eta Leonen lortutako akordioarekin,"lotsaren ituna" izendatu du; izan ere, itun horri esker "eskuin muturra erkidego baten gobernuan dago lehen aldiz". PSE-EEko idazkari nagusiak adierazi duenez, sozialistek ez dute onartuko "atzerapausorik" eskubideetan, eta "Feijooren Alderdi Popularra" kritikatu du, "zentrorantz egingo zuela esan arren, eskuin muturraren eskutik baitoa".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.