Sanchezek iragarritako neurri "aringarriak" kritikatu, eta "egiturazko" erabakiak eskatu ditu Otegik
Arnaldo Otegi EH Bilduren koordinatzaile nagusiaren arabera, Pedro Sanchez Espainiako Gobernuko presidenteak iragarritako neurriak "aringarriak" dira, eta horien ordez, "egiturazko" erabakiak behar direla azpimarratu du, besteak beste, sistema energetikoan esku hartzea, "gainerako guztia adabakiak baino ez dira eta".
Ukrainako gerraren ondorio sozioekonomikoen inguruko proposamena aurkeztu du Otegik prentsaurrekoan. Agerraldian Sanchezek iragarritako neurriez galdetu diote kazetariek. Espainiako Gobernuak 20 zentimo merkatuko du erregaia, eta Portugalekin batera, argindarraren prezioa murrizteko neurriak hartuko ditu.
Azken horri buruz, Otegik esan du EBko Estatu eta Gobernuburuek bi estatuei emandako "tratu berezia aldi baterako" dela, eta ez duela "arazoa konponduko".
Erregaiak ekainaren 30era arte merkatzea "neurri aringarria" dela kritikatu du, atzean dagoen "egiturazko arazoa" konpontzen ez duelako. Otegiren ustez, enkantean "gasa eta argindarra bereizi behar dira".
Bestalde, EH Bilduko iturriek nabarmendu dutenez, Espainiako Gobernuak hartutako neurriak "koiunturalak eta aldi baterakoak" dira. Neurri batzuk positibotzat jo dituzte, besteak beste, 20 zentimoko merkatzearena, bizitzeko gutxieneko diru-sarrerak zabaltzearena, kaleratzeak saihesteko aldi baterako lan erregulazio espedienteak aktibatzea edota zaurgarrienei edo enpresa txiki eta ertainei hobariak edo laguntzak eskaintzea.
Dena dela, Sanchezek gobernuak "harago" jo behar zuela uste dute, "anbizio handiagoko neurriak" hartu eta beste behin, krisiaren ondorioak zaurgarrienek ordain ez ditzaten.
EH Bilduren proposamena
Hala, koalizio abertzaleak proposamena helarazi dio Espainiako Gobernuari. Proposatutako neurrien artean honakoak daude: aberastasuna banatzeko politika fiskala martxan jartzea, batzuei "zerutik jausten zaizkin etekinak" behin betiko amaitzeko. Horren harira, argindar enpresei euren irabazien % 12 kentzea, diru publikoz erreskatatutako eta dirua itzuli ez duten banketxeei zerga bat jartzea edo milioi bat euro baino gehiagoko ondasuna dutenei beste zerga bat ezartzea.
Era berean, krisi ekonomikoagatik egindako kaleratzeak (zuzenak zein zeharkakoak) debekatzea, alokairua ordaintzeko moratoria ezartzea edota prezioak izoztea proposatu du EH Bilduk.
Zure interesekoa izan daiteke
EAJk borondate politikoa eskatu du 'Gernika' lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak, zeuntzuek koadroa mugitzea ez duten gomendatzen, baina adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.