Abian da Frantziako hauteskundeen bigarren itzulirako kanpaina
Frantzian, ostiral honetan hasiko da ofizialki bigarren itzulirako hauteskunde kanpaina, igandeko lehen itzulitik etenik izan ez arren. Macron eta Le Pen hautagaiak mezuak indartzen ari dira apirilaren 24ko hitzorduari begira.
Marine Le Pen hautagai ultraeskuindarrak ekitaldia egin zuen Avignonen ostegun gauean; Jean-Luc Melenchonek irabazi zuen hirian, hain zuzen. Macronek Frantzia "banatu eta zauritu" duela esan zuen eta, haren arabera, Macroni botoa haren bozkari onurak atera dizkiotenek emango diote.
Emmanuel Macron liberalak, berriz, Marseillan egingo du ekitaldia larunbat honetan. Lehenago, ostiralean, Notre Dame katedrala berritzeko lanak bisitatu ditu, kiskali zenetik hiru urte bete diren egunean.
Nicolas Sarkozyren babesa jaso eta gero, beste presidente ohi batek ere egin du Macronen alde: hain zuzen ere, François Hollandek herritarrei eskatu die uneko presidenteari eman diezaiotela botoa.
Datorren asteazkenean izango dute bi hautagaiek aurrez aurreko eztabaida bakarra.
Ikasleen protestak
Testuinguru honetan, Sorbonan itxialdia egiten ari ziren ikasleek bukatutzat jo dute protesta, Frantziako polizia operazio bat prestatzen ari zela jakin dutenean.
Hauteskundeetako bigarren itzuliaren atarian, asteazkenean abiatu ziren protestak hainbat unibertsitatetan, "Ez Macron, ez Le Pen" lelopean. Sorbonako unibertsitatean, batik bat, gazte ugari batu ziren mobilizaziora, poliziari entzungor eginez.
Orain, protestak eten ondoren jakinarazi dutenez, asanblada bidez erabakiko dituzte hurrengo urratsak.
Momentuz, larunbatean eskuin muturraren aurkako manifestazioan parte hartzeko deia egin dute.
Albiste gehiago politika
Andueza EAJri: "Gauzek funtziona dezaten, elkarrizketa eta konfiantza behar dira"
Anduezak zehaztu duenez, gobernu koalizio batean oso garrantzitsua da "harremanak ondo zaintzea eta elkarrizketa ona egotea", Ortuzarren eta bere artean zegoen bezala, eta euren artean "sintonia pertsonala eta konfiantzazko elkarrizketa" zegoela adierazi du.
Montxo Martinez Antia erail zutela dioten froga berriak aurkeztu ditu GEBehatokiak
Eusko Jaurlaritzako Balorazio Batzordeak 2015. urtean ebatzi zuen ez zegoela suizidioaren bertsio ofiziala ezeztatzeko froga nahikorik. Orain, zantzu berri horiekin, kasua berriz ebaluatu dezala eskatu diote Eusko Jaurlaritzari.
GKSk bandera palestinarra kendu du Azpeitiko batzokiko balkoitik, EAJ "genozidioaren konplizea" dela iritzita
Ekintza Azpeitiko Gaztetxeak aldarrikatu du bere sare sozialetan egindako bideo baten bidez. Horretan ikus daiteke gazte batzuk eskaileretara igotzen eta batzokiko balkoitik Palestinako bandera kentzen. Ohar baten bidez, "Palestinako herriari kalte egitea" leporatu dio EAJk Gazte Koordinadora Sozialistari, "pseudo-politika partidario higuingarri bat eginez".
"Eskualdatzeko dauden eskumenak ixteko 10 proposamen zehatz"aurkeztu dizkio Jaurlaritzak Espainiako Gobernuari
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak hamar dokumentu eman dizkio gaur Angel Victor Torres Espainiako Gobernuko Lurralde Politikako ministroari, eskualdetzeke dauden transferentzien inguruan "euskal proposamenak zehazten dituztenak". "Ez dugu pribilegiorik eskatzen, errespetu instituzionala baizik eta legea betetzea", esan du Ubarretxenak.
Kongresuak Israeli armak enbargatzea onartu du, Podemosen baiezkoarekin eta PP eta Voxen ezezkoarekin
Podemosek enbargoa “fake” bat dela berretsi du eta benetako arma-blokeoa eskatu du, baina baiezko botoa eman du. Dekretua presazko lege-proiektu gisa izapidetzea ere onartu dute eta, beraz, aldaketak egin ahal izango zaizkio prozesuan zehar.
Torresek defendatu du PSE-EEk eta bere ordezkari guztiek "norabide berean" eta "helburu politiko berarekin" lan egiten dutela
Sailburu sozialistarentzat "mingarria" da EAJ Anduezaren irudia "kaltetzen saiatzea" eta "ez da onargarria" Gobernu Kontseiluko ordezkariak horretan aritzea.
Goia: "Azken 10 urteotan egin dugun kudeaketa, ona zein txarra, PSErekin partekatutako erantzukizuna izan da"
Azken egunetan PSEren eta EAJren buruzagien artean izandako kritiken inguruan mintzatu da Eneko Goia Donostiako alkatea ETB2ko En Jake saioan.
Sarek manifestazioa deitu du Bilbon urtarrilaren 10erako, "salbuespen politika" amaitu dadila eskatzeko
"Ezin da gehiago luzatu" lelopean egingo den mobilizazioan, ETAkoak izatea leporatuta espetxean dauden presoei salbuespenik gabeko espetxe politika arrunta aplikatzea eskatuko dute.
Alberto Martinez datorren astelehenean bilduko da Osasun ministroarekin, baina "itxaropen handirik gabe"
Osasun sailburuak adierazi du bilera Lurraldearteko Kontseilura joango ez zirela iragarri zutelako deitu dela. Martinezek adierazi duenez, Osasun ministroak "ez du ulertzen" euskara meritua izatea, eta zail ikusten du akordio batera iristea, gaiaren inguruan "sentsibilitaterik ez dagoelako".
Eusko Jaurlaritzaren eta hiru aldundien aurrekontuak batera negoziatzeko prest dagoela jakinarazi die EH Bilduk EAJri eta PSEri
Naiz Irratian egin dioten elkarrizketan, Arnaldo Otegik esan du oraingoz ez dela nagoziaziorik izan, baina eskaintzak "erantzun positiboa" jasotzea espero duela. "Iaz ez bezala, gauzak beste modu batera egiteko aukerak egon daitezke. Gonbidapena mahai gainean dago, eta bideak irekita daude", adierazi du.