Notre-Dameko lanak bisitatu ditu Macronek, sutearen hirugarren urteurrenean
Notre-Dameko katedrala, Parisko ikurretako bat, berpizten hasi da, estalkia erre zuen sutea gertatu zenetik hiru urte betetzen direnean. Momentu horrenta, tenplu gotiko enblematikoenetako bat kolokan jarri zuen suak. Gaur egun, haren zaharberritzea aurrera doa, 2024an berriro ireki ahal izateko.
Emmanuel Macron Frantziako presidenteak katedraleko lanak bisitatu ditu, bigarren itzuliko kanpaina hasi den egunean. Lan-jantzia eta babes-kasko zuria jantzita, barrura sartu da, aldamioz betetako eraikinean, eta lanez arduratzen direnekin hitz egin du.
Duela hiru urte, sutea izan eta gutxira, katedrala bost urtean berreraikiko zuela agindu zuen presidenteak. Egutegi hori betetzea espero dute oraindik, baina arduradunek uste dute anbizio handikoa dela, Agian, meza ematea posible izango da, baina ez dago hain argi sutea piztu aurretik jasotzen zituen 13 milioi bisitarientzat irekitzea.
Zaharberritze lanak erritmo bizian egiten ari dira eta, sendotze fasea gainditu ondoren, katedralaren jatorrizko formatua zaharberritzen hasi dira. Langileek dagoeneko lortu dute kaltetutako materiala kentzea, egiturak ziurtatzea eta tenplua behin-behineko teilatu batekin estaltzea, berria noiz iritsiko zain.
Gainera, sutean busti ziren berunaren hormak garbitu dituzte, eta, bide batez, lehen baino zuriagoak izango dira aldamioa kentzen dutenean.
Datorren urtean aurreikusita dago berreraikuntzaren faserik ikusgarriena: 2019ko apirilaren 15eko arratsaldean erre zen orratza berriro altxatzea, Eugène Viollet le Duc arkitektoak XIX. mendean egin zuenaren berdina.
Barrualdean, garbiketa-lanekin batera, kanpaina arkeologiko bat egin da, tenpluak oraindik gordetzen dituen sekretuetako batzuk argitara ateratzeko. Lehenik eta behin, berunezko sarkofago antropomorfo bat. Adituek erlijiosoen goi mailako agintari bati egozten diote. Gainera, XIII. mendeko aldare zahar baten aztarnak agertu dira, 500 urte geroago suntsitu zena, garaiko kultu-premia berrietara egokitzeko.
Arkeologoekin, langileekin eta adituekin batera, gaur egun aldamioen labirintoan, mundu osoa geldiarazi zuen hondamendiaren arrazoiak zehazten saiatzen diren ikertzaileak ere ibiltzen dira. Ustekabeko sute baten hipotesiak pisu gehien duena izaten jarraitzen du, baina ez dira baztertzen beste arrazoi batzuk.
Zure interesekoa izan daiteke
Aisialdi zentro bateko begirale batek egindako sexu-erasoak salatu dituzte Tarnosen
Elkarretaratzea egin dute Landetako Tarnos herrian, aisialdi zentroko begirale batek egindako sexu erasoak salatzeko. Sei haur txiki izan dira biktimak, eta beraiei baita familiei ere elkartasuna erakutsi nahi izan diete. Begiralea atxilotu dute, sexu erasoak leporatuta.
Emakume batek sexu erasoa salatu du bart sanferminetan
Ustezko erasotzailea atxilotuta dago. Iruñeko Udalak erasoa gaitzetsi du eta dei egin die herritarrei mugimendu feministak antola ditzakeen bilkuretan parte hartzeko.
Kamioiek Gasteiz hartu dute San Kristobal egunean, ibilgailuak bedeinkatzeko
San Kristobal jaiak Arabako Garraio Elkarteko garraiolariak bildu ditu larunbat honetan. Ekitaldian, kamioien ohiko desfilea eta ibilgailuen bedeinkapena izan dira protagonista. Horrela eman diete amaiera auzoko ospakizunei.
Zuiako Udalak ur mozketak egingo ditu gauez hornidura bermatzeko
Mozketa 22:00etatik 08:00etara dago indarrean, atzotik. Gainera, udal igerilekuetako dutxak erabiltzea debekatuta egongo da aurrerantzean.
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.
"Joker" identifikatu eta zigortu dute bosgarren entzierroan, zezena grabatu eta ukitzeagatik
Sare sozialetan "Joker" bezala ezaguna den gizona identifikatu eta zigortu du Iruñeko Udaltzaingoak, telefono mugikorrarekin San Ferminetako bosgarren entzierroa grabatzeagatik eta zezenetako bat ukitzeagatik, korrika egiten ari zela. Bere portaerak entzierroaren araudia urratzen du, eta lasterkarien eta animalien segurtasuna arriskuan jartzen du.
Almeriako suteak "bilakaera ona" du, baina 6600 hektarea erre ditu dagoeneko
Baldintza meteorologikoek hobera egin dute, eta "lehen aldiz, suteari aurre egiteko moduan gara", iragarri du Larrialdi kontseilariak. Oraindik 23 pertsona topatu ezinda dabiltza, baina ez dute hustutze eta konfinamendu gehiagorik egin. 12 dira hildakoak.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.