Kataluniako Gobernuaren konfiantza berreskuratzeko dimisioak eskatu dizkio Aragonesek Sanchezi
Pere Aragones Generalitateko presidentearen ahotan, Pedro Sanchez Espainiako gobernuburua, Pegasus auzian egiten ari den kudeaketarekin, "elkarrizketaren eta negoziazioaren bidea zapuzten ari da". Horregatik, erantzukizunak garbitzea eskatu dio, Kataluniako Exekutiboaren konfiantza berreskuratzeko.
Aragonesek Ekonomia Zirkuluaren XXXVII. Bileran parte hartu du asteazken honetan, Bartzelonan.
Generalitatearekin duen elkarrizketan sinesten baldin badu, gaiaren kudeaketan "inflexio-puntu bat" eskatu dio Aragonesek Espainiako Gobernuko presidenteari. Horrela, espioitzaren erantzukizunak garbitzeko galdegin dio, Kataluniako Exekutiboaren konfiantza berreskuratzeko eta gatazka konpontzeko, negoziazio prozesuari berriro heltzeko.
"Estatuko Gobernuaren eta Sanchez presidentearen negoziazio borondatea benetakoa baldin bada, espioitza nork agindu duen, zertarako eta informazioa eskuragarri nork izan duen argitzea ezinbestekoa da. Estatuko Gobernuaren presidenteak elkarrizketan benetan sinesten baldin badu, erantzukizunak onartzea eta garbitzea beharrezkoa da", esan du.
Exekutiboko buruzagi izendatu zutenetik "gatazka politikoa konpontzeko elkarrizketa eta negoziazio prozesu bat zabaltzearen aldeko apustu garbia" egin duela aldarrikatu du Kataluniako presidenteak.
Hala ere, orain arte "Estatuko Gobernuak konpromiso berdina" azaldu ez diola deitoratu du. Zentzu horretan, desengainua hartu duela erantsi du Aragonesek.
Espainiako gobernuburuari eta Margarita Robles Defentsa ministroari egindako espioitzak eta independentistei egindakoak erantzun "zeharo" ezberdinak izan dituztela uste du Kataluniako presidenteak.
"Ezin daiteke espioitza on eta justifikagarri bat egon, eta beste bat, justifika ezina dena. Erronka guztiei aurre egiteko erabat ezinbestekoa den elkarrizketa instituzionalerako guztiz onartezina dela uste dugu", gaineratu duenez.
Pegasus auzia argitu arte, krisiaren kontrako dekretuarekin gertatu bezala, ERC Diputatuen Kongresuan Gobernuaren ekimen guztien aurkako botoa emango ote duen galdetu diote Kataluniako buruzagiari. "Kasuz kasu" aztertuko dutela erantzun du Aragonesek, baina exigentzia maila altua izango dutela iragarri du.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.