EAJk akordioa lortu du Espainiako Gobernuarekin Ikus-entzunezkoen legearen inguruan
EAJk akordioa lortu du Espainiako Gobernuarekin Ikus-entzunezkoen legearen inguruan eta, horri esker, "hiru helburu nagusiak beteko dira; autogobernua babestu eta defendatu, EITBren autonomia mantendu eta ikus-entzunezkoen esparru berrian euskararen presentzia bermatu", Aitor Esteban jeltzaleek Kongresuan duten bozeramalearen hitzetan.
Bilbon, Joseba Agirretxea diputatuarekin batera, egindako prentsaurreko batean azaldu duenez, EAJrentzat "lege ideala" ez den arren, akordio "pozgarria" lortu da eta, horrekin, Pedro Sanchezen Exekutiboak abiatutako proiektuan sortutako "arrisku handienei buelta ematea" lortu dute.
Joseba Agirretxea diputatuak azaldu du zeintzuk diren aldaketa nagusiak: aipamen berezia egitea Jaurlaritzak ikus-entzunezkoen esparruan duen eskumenari, autonomiek -ez Estatuak- emisioen kontrola izatea bi erkidegotan (EITBren kasuan bezalaxe, EAEn eta Nafarroan), eta EITBren gobernantza mantendu egingo dela.
Baita ere, euskal agintariek EITBk Interneten egiten dituen emisioen kontrola izatea (proiektuak ezartzen zuen TDT bidez egiten ez ziren emisioetan kontrola Estatu mailan izango zirela), TVEk euskaraz, galizieraz edo katalanaz egin behar dituen emisioen % 10 gutxienez hizkuntza koofizialean egingo direla bermatzea (horrek kupo horretan sartzen diren emisioak katalan hutsez izateko arriskua kentzen du, audientzia gehien duena baita), eta TVEk haurrei zuzendutako kanalen edukiak euskarara bikoiztuta egotea dira diputatuak nabarmendutako beste puntuetako batzuk.
"Hasieran uste genuena baino gehiago lortu dugu", esan du Agirretxeak. Halaber, euskarazko edukiak sartzeko nazioarteko "streaming" plataformekin lortutako akordioa ere aipatu du Agirretxek, lege honekin zerikusia ez badu ere.
Aitor Estebanek, bere aldetik, PSOEren eta Unidas Podemosen Gobernuak lege proiektuak Kongresuko kideei "bat-batean, galdetu barik," aurkezteko "ohitura" kritikatu du. "Hiriek dira bozka ematen dutenak", nabarmendu du.
"Errazagoa izango zen eta ez genuen osoko zuzenketa aurkeztu behar izango", esan du, baina onartu egin du Gobernuak "ulertu" egin zuela akordioa lortu behar zuela.
EAJren bozeramaleak, gainera, gehiengo parlamentarioa izango balu bezala jokatzea aurpegiratu dio Gobernu espainiarrari. Hasieran "proiektuak bota" eta, ondoren, babesa bilatzeko, "eta horietako batzuetan Alderdi Popularrarekin egingo du", iragarri du.
"Astez aste goaz, hala moduz, haserrealdi eta konponketekin", esan du Estebanek laburbilduz. Horrez gain, ohartaraz duenez, orain "agerikoa" da Gobernua eta ERC elkarrengandik "aldendu" egin direla, ustezko espioitza politikoagatik, eta "konpondu ezean, Kongresuan gehiengoa lortzea oso zaila izango da".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.