Atzerrian bizi diren hautesleen botoa emateko prozedura aldatu du Kongresuak
Atzerrian bizi diren hautesleei eskatzen zaien boto erregutua desagertzea onartu du Diputatuen Kongresuak. Duela 10 urte eskatzen zaie, eta Andaluziako hauteskundeetan oraindik aplikatuko da, ekainaren 19an.
Atzerriko boto-emaileen parte-hartzea errazteko neurriak onartu ditu Ganberak, eta uda ostean indarrean egotea espero da.
2011an, emigratzaileen boto irregulartasunen salaketak pilatu ondoren, Galiziako hauteskundeetan bereziki, alderdi nagusiek sistema bat adostu zuten. Horren arabera, atzerrian bizi diren hautesleek botoa askoz ere lehenago eskatu behar dute, boza eman ahal izateko.
Boto erregutuaren sistema PP, PSOE, EAJ eta CiUk adostu zuten. Neurriak iruzur susmoekin berehala amaitu zuen, baina atzerriko hautesleen parte-hartzea nabarmen jaitsi zen. Urteak pasa ahala, erreforma haren bultzatzaileak damutu dira, eta atzera egitea erabaki dute.
2021eko otsailean Espainiako koalizio Gobernuko bi kideek, PSOEk eta Unidas Podemosek, lege-proposamena aurkeztu zuten. Hala ere, ekimena izozturik egon da iragan apirilera arte. Azken asteetan, testua moldatu dute, PPrekin eta oposizioko beste talde politiko batzuekin adostutako zuzenketen bidez.
Prozesuan, botoa emateko eskubidea 16 urtera jaistea edo hauteskunde sistemaren proportzionaltasuna berriz aztertzea baztertu dute diputatuek.
Ebazpenaren bozketan, PSOE, PP, Vox, Unidas Podemos, Ciudadanos eta EAJk aldeko botoa eman zuten; ERC, EH Bildu eta Junts abstenitu ziren. Ostegun honetako bozketan, ordea, independentistek aldeko botoa eman dute, BNGk izan ezik.
Prozedura berriaren arabera, atzerrian bizi diren hautesleek boto-txartelak Internet bidez deskargatu ahal izango dituzte, eta hauteskunde agiriak lehenago bidaliko zaizkie.
Zure interesekoa izan daiteke
Leire Diez kasua: zer ari da ikertzen Pedraz epailea?
Militante sozialistaren aurka irekita zegoen auzia zabaldu egin du Auzitegi Nazionaleko, eta PSOEren eta Gobernuaren inguruko kausa judizialak neutralizatzeko eroskeria gertatu ote zen ari da aztertzen orain. Alegia, alderdiaren aldetik dirua jaso ote zuen Diezek horretarako.
Guardia Zibilaren Unitate Zentral Operatiboa PSOEren egoitzan da, Leire Diezi egindako ordainketen inguruko dokumentazio bila
Guardia Zibilaren Unitate Zentral Operatiboko (UCO) agenteak asteazken honetako lehen ordutik daude PSOEren egoitza nagusian, Madrilgo Ferraz kalean; dokumentazio-errekerimendua da egiten ari direna, ez erregistro bat. Leire Diez PSOEko militante ohiari alderdiaren kontrako prozedura judizialak zapuzteko lanengatik ustez egindako ordainketekin lotutako auziari lotuta dago jarduketa.
PSOEren inguruan ikertzen ari direna larria dela aitortu du Pedro Sanchezek, baina ez ditu hauteskundeak aurreratuko
Espainiako presidenteak Erroman hitz egin du PSOEren inguruan izandako azken gertaeren inguruan. Bere ustez hauteskundeek "paralisia" ekarriko lukete eta horren aurrean "oreka" defendatu du.
Cerdan, PSOEko gerentea eta Zarrias, Leire Diez auzian inputatuta Auzitegi Nazionalak eskatuta
Ikerketak erabaki judizial berriekin egiten du aurrera: kontratu publikoei lotutako eta informazio sentikorra lortzeko ustezko sare bat aztertzen du auziak.
Lehenbailehen hauteskundeak deitzeko eskatu dio Feijook Sanchezi, "egoera agoniko eta patetiko honen aurrean"
Bestalde, Gabriel Rufian ERCk Kongresuan duen bozeramailearen hitzetan, "anomalia izugarria da" alderdi politiko baten egoitza miatzea. "Hauteskunde-kanpaina edo egia den jakin ezinda gaude une honetan", esan du.
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.