Gasteizko Udalak omenaldi batekin oroituko du Miguel Angel Blanco
Gasteizko Udalak "oroitzapen berezi eta berariazkoa" egingo du ETAk Miguel Angel Blanco Ermuko Udaleko PPko zinegotzia bahitu eta hil zuela 25 urte beteko diren honetan, Radio Euskadik jakin ahal izan duenez.
Zehazki, lore-eskaintza egingo zaio aurki Terrorismoaren Biktimen Monumentuan, Gasteizko Lakua auzoan. Omenaldia EAJren udal taldeak PPk aurrez aurkeztutako proposamen bati egindako osoko zuzenketa baten harira egingo dute. Biek ala biek Miguel Angel Blancoren figura aldarrikatzea dute xede. Aurretik ere egin dira Gasteizen eraildako PPko zinegotzia goratzeko ekitaldiak —2014an, 2015ean eta 2017an—.
Izan ere, hilabete eskas falta da urtemugarako, eta, ohi bezala, hainbat udaletan Miguel Angel Blancoren aldeko ekimenak aurkeztu ditu PPk. Gasteizko kasuan, hiriko kale bati politikari gaztearen izen-abizenak jartzea proposatu zuten.
Radio Euskadik eskuratu duen EAJren zuzenketan azpimarratzen denez, Blancoren erailketa "mugarri izan zen ETAren kontrako borrokan", eta, hori horrela, "positiboa" iritzi diote Miguel Angel Blanco Fundazioarekin batera, horren aldeko omenaldi bat antolatzea. Jeltzaleek gogorarazi dutenez, Gasteizen dago Terrorismoaren Biktimen Memoriala, "memoriarako eta bakearen pedagogiarako espazioa", baita Agustin Ibarrolak egindako monumentua ere. Era berean, jakinarazi dute laster bukatuko dituztela Memoriaren Plaza eraikitzeko lanak eta "terrorismoaren biktima guztiak aintzat hartzeko eta giza eskubideen beste urraketa gogora ekartzeko" leku bilakatuko dela.
Bere proposamenean, Miguel Angel Blancoren figura jendartean —eta, batez ere, gazteen artean—, gogorarazi eta aldarrikatu beharra zegoela nabarmendu du PPk. Euren datuen arabera, "Espainiako gazteen % 60k ez dakite nor izan zen Blanco, eta 10etik 7k aitortu dute ez dituztela ondo ezagutzen ezta haren hilketaren nondik norakoen ondorioak ere".
Zure interesekoa izan daiteke
Kitchen auziko ikerketa polizialaren arduradunak esan du Barne Ministerioak Barcenasen kontrol "sakona" egin zuela espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela Kitcheni buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta askotan pertsonalak"
Aitor Esteban EAJren EBBko presidenteak, de Andres popularrari erantzun dio esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da horrela. Dinamika oso ezberdinak dira Iparraldean, eta askotan pertsonalak dira", ohartarazi du. Eta ziurtatu duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.
Begoña Gomez epaitzea proposatu du Peinado epaileak, lau delitu egotzita
Juan Carlos Peinado magistratuak auziaren instrukzioa itxitzat eman du, eta Pedro Sanchezen emaztea epaitzea proposatu du, lau delitu egotzita: eraginen trafikoa, ustelkeria negozioetan, ondasun publikoak bidegabe erabiltzea eta bidegabeko jabetzea. Halaber, bost eguneko epea eman die aldeei ondorioak aurkez ditzaten.
Otxandianoren arabera, Iparraldeko dinamika politikoak inspiragarriak izan beharko lirateke Hegoaldean
Pello Otxandiano EH Bilduren Eusko Legebiltzarreko bozeramailearen arabera, "herri honek behar du EAJ eta EH BIlduren arteko esparru bat, adostua".
EAJk lehen indarra izaten jarraitzen du Euskadin, EH Bildurekiko eserleku bateko koska duela
Araban, jeltzaleek eta EH Bilduk zortzina eserleku eskuratuko lituzkete, berdindurik, baina EAJ lehen indarra izango litzateke hamarren batengatik, Sumarri eserleku bat irabazita.
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.