Krisiari aurre egiteko neurri sorta abenduaren 31ra arte luzatuko du Espainiako Gobernuak
Pedro Sanchez Espainiako Gobernuko presidenteak iragarri duenez, Ukrainako inbasioak eragindako ondorio ekonomikoei eta inflazioari aurre egiteko, Ministroen Kontseiluak larunbat honetan onartuko duen neurri sorta abenduaren 31ra arte indarrean egongo da, eta ez da hiru hilabeterako izango, nahiz eta hasiera batean hori iragarri.
Sanchezek Bruselan agerraldia egin du, Europako Kontseilua amaitu ondoren. Espainiako gobernuburuak ziurtatu duenez, dekretuko neurriak orain arte onartutakoarekin "koherenteak" izango dira, nahiz eta ezer gutxi aurreratu. Sanchezen ahotan, sektore bereziki zaurgarriak babestu eta zerga batzuk murriztuko dituzte.
Exekutiboko buruzagiak Ministroen Kontseilua bukatu bezain pronto emango du dekretuaren berri. Prezioen gorakadaren aurrean babestu ahal izateko, familiak, industria eta enpresak lagunduko dituztela iragarri du Sanchezek.
"Inflazioa handia dela badakigu, baina Gobernua norentzat gobernatzen ari den badaki, beste sektore batzuek pribilegioak eta 'status quo'a mantendu nahi dituztela badakigu, baina Gobernuak ez du onartuko, norentzat gobernatzen ari garen badakigu, eta bizitza kostuaren gorakadaren ondorioz zaurgarriago bihurtu diren familiak babesteko gobernatzen ari gara", azpimarratu du Sanchezek.
Espainiako Gobernuko presidenteak adierazi du gerrak EBko egoera ekonomikoa "kaltetu" duela, energiaren eta elikagaien prezioak puztuz, herritarrentzako bizitzaren kostua areagotuz.
Europan merkatu elektrikoa erreformatzeko beharra berriro defendatu du Sanchezek, gas eta argindarra bereiziz, Europako energia merkatu osoan gasari muga jarriz.
Horrela, iberiar merkatuan gasari muga ezarri bezain laster, prezioak Espainian behera egin duela nabarmendu du gobernuburuak, spot merkatuarekin alderatuta.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.