Dena prest Madrilen OTAN "eraldatuko" duen goi bilerari hasiera emateko
NATOko buruzagiek Europako ekialdean sakabanatuta duten soldadu kopurua handitzea espero dute Madrilen aste honetan egitekoa den goi bileran. Gainera, 40.000tik 300.000ra handitzea espero dute Errusiaren aurrean prest egongo litzatekeen militar kopurua, hori baita, haien ustean, "mehatxurik handiena".
"Madrileko goi bilera eraldatzailea izango da", ziurtatu zuen atzo Jens Stoltenberg Aliantzako idazkari nagusiak Bruselan egindako prentsaurreko batean, asteazken eta ostegunean Espainiako hiriburuan egitekoa den gailurraren atarian.
NATOko estatu eta gobernuburuek hartuko duten erabaki nagusietako bat, Stoltenbergen arabera, Erantzuteko Indarra "eraldatzea" izango da, prest egongo litzatekeen soldadu kopurua 300.000tik gorakoa izatea lortuta.
NATOren Erantzuteko Indarra hainbat herrialdetako soldaduk osatzen dute; prestakuntza handikoak dira, eta teknologikoki oso aurreratuak. Lurreko, aireko, itsasoko eta Operazio Berezietako Indarreko militarrak dira, eta Aliantzak modu arinean sakabanatu ditzake behar duen lekuetan. Gaur gaurkoz, 40.000 dira guztira.
Stoltenbergek argi utzi zuen erronka horiei guztiei aurre egiteko "gehiago inbertitu" beharra dagoela.
Gainera, NATOk informazio berria argitaratu du aliatuen Defentsarako gastuari dagokionez. Hala, 2022. urtea "aliatu europarrek eta Kanadak inbertsioa etenik gabe handitzen duten zortzigarren urtea izango da".
Gaur egun, 2024rako ezarrita dagoen helburuari begira, bederatzi aliatuk gutxienez BPGaren % 2 inbertitzen dute defentsan, beste 19k "asmo argia" dute kopuru horretara heltzeko, eta beste bostek "konpromiso zehatzak" adierazi dituzte urte horretatik aurrera inbertsio maila horretara heltzeko.
"% 2ko inbertsioa egitea zorutzat hartzen da gero eta gehiagotan, sabaitzat hartu barik", gaineratu zuen Stoltenbergek.
Kontrolak mugetan eta Madril, blindatuta
Biriatuko muga pasabidean segurtasuna indartu dute NATOren goi-bilera dela eta. Hala, kontrol bereziak egongo dira datorren igandeko 00:00ak arte.
Barne Ministerioak dispositibo garrantzitsua diseinatu du Madrilera iritsi behar diren estatuburuen eta gobernuburuen segurtasuna bermatzeko ekainaren 28tik 30era bitartean egitekoa den gailurrari begira.
Bestalde, DGTk ere operatibo berezia ezarri du Madrilen sartu eta hiritik irteteko, eta, besteak beste, trafikoa eten egingo du A-2an, M-11n eta M-40an.
Zehatz-mehatz, astearte honetatik aurrera, uneko etenaldiak izango dira goizeko lehen orduan eta arratsaldean. A-2 eta M-11 errepideen arteko tartean izango da bereziki, baina beste leku batzuetan ere gerta liteke. Halaber, Madrilen sartzeko gainerako errepideetan ere auto ilarak sortzea aurreikusi dute.
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.