25 urte bete dira Jose Antonio Ortega Lara askatu zutenetik; ETAren bahiketa luzeena izan zen
Ostiral honetan, uztailak 1, 25 urte bete dira Jose Antonio Ortega Lara espetxe-funtzionarioa askatu zutenetik. 1996ko urtarrilaren 17an bahitu zuen ETAk, eta 1997ko uztailaren 1ean askatu zuen Guardia Zibilak, 532 egunen buruan. ETAk egindako bahiketarik luzeena izan zen. Ortega Lara Arrasaten egon zen bahituta, zulo batean sartuta, jarduerarik ez zuen industria-pabiloi batean.
Bahitu zutenean, Ortega Lara Logroñoko kartzelan zegoen lanean, espetxe-funtzionario gisa. 1996ko urtarrilaren 17an, lan-txanda amaituta, ETAk bahitu zuen. Beste bahiketetan ez bezala, ETAk ez zuen dirurik eskatu askapenaren trukean; izan ere, galdegin zuen bere presoen aurkako errepresioa amai zedin, eta horiek euskal espetxeetan berriz elkartzea.
Ondorengo hilabeteetan, hainbat albiste izan ziren arlo politikoan eta bahiketarekin lotuta. 1996ko martxoan, PPk hauteskunde orokorrak irabazi zituen, eta, 1982tik lehen aldiz, PSOEk Espainiako Gobernua utzi zuen; ekainean, Ajuria Eneako Mahaiak eskaintza egin zion ETAri: Ortega askatuz gero, elkarrizketarako epe bat irekiko zuten. Espainiako Gobernuak, halaber, ETAko 28 preso Euskal Herriko kartzeletara eraman zituen. Nolanahi ere, Jaime Mayor Oreja Espainiako Gobernuko Barne ministroak erabaki zuen ez zuela aldaketarik egingo espetxe-politikan. Ekainean ere, manifestazio oso jendetsua izan zen Bilbon, bahitutako espetxe-funtzionarioaren askapena aldarrikatzea helburu.
Askatu zutenean, Jose Antonio Ortega Larak 39 urte zituen. Bahiketako 532 egunak zulo batean pasa zituen; zuloa hiru metro luze eta bi metro zabal zen, eta 1,80 metroko altuera zuen. 23 kilo galdu zituen urte eta erdi hartan, eta, askapena eginda, atrofia muskularreko sintomak zituen. Espetxe-funtzionario ohia AVT biktimen elkarteko eta Vox ultraeskuineko alderdiaren kidea da egun.
Ortega Lararen askapenaren egunean bertan, Guardia Zibila Arrasateko pabiloian sartu baino ordu batzuk lehenago, ETAk Cosme Delclaux bizkaitar enpresaria askatu zuen. Delclauxek 232 egun eman zituen bahituta.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.