Garcia Gaztelu eta Parot ETAko buruzagi ohiak eta beste 11 preso euskal espetxeetara lekualdatuko dituzte
Espetxeetako Zuzendaritzak jakinarazi duenez, Euskal Herriko espetxeetara lekualdatuko dituzte Xabier Garcia Gaztelu eta Unai Parot ETAko buruzagi izandakoak. Lehendabizikoa, besteak beste, Miguel Angel Blanco hiltzea egotzita zigortu zuten. Parotek 2020an bete zituen zigorraren 3/4ak.
Eusko Jaurlaritzaren eskumeneko espetxeetara hurbilduko dituzten gainerako presoak, berriz, hauek dira: Ismael Berasategi, Manex Castro, Jose Antonio Zurutuza, Aitor Agirrebarrena, Oskar Zelarain, Jon Bienzobas, Juan Manuel Inziarte, Eider Perez, Jon Igor Solana, Juan Luis Rubenach eta Felix Alberto Lopez de la Calle.
Jaurlaritzako Berdintasun, Justizia eta Gizarte Politiketako Sailak zehaztuko du zein espetxetara lekualdatuko dituzte 13 pertsonok.
Azken hilabeteotan iragarritako hurbilketa handiena da atzo jakinarazitakoa. Aurrez, uztailean eta abuztuan, hurrenez hurren, 11 eta 12 preso gerturatu zituzten. ETAko 52 preso daude oraindik Euskal Herritik kanpoko espetxeetan, Etxeratek emandako datuen arabera.
Erreakzioak
Iragarpenaren ostean, Radio Euskadiko "Ganbara" saioari eskainitako elkarrizketa batean, Joseba Azkarraga Sareren bozeramaileak "poza" agertu zuen, baina erantsi "denbora asko, lau urte, igaro dela espetxe politikaren aldaketa iragarri zutenetik". Nabarmendu duenez, "ez dira legez kontrako ezer egiten ari, ez dira pribilegioak, zigorra euren bizitokitik gertu betetzeko presoek dituzten eskubideak baizik".
Ifrentzuan, oso kritiko azaldu dira Dignidad y Justicia edo AVT ETAko biktimen elkarteak. Daniel Portero Dignidad y Justicia elkarteko presidenteak salatu duenez, Espainiako Gobernuak "nahiago izan du Estatuko Aurrekontu Orokorrak biktimen odolarekin onartu, alderdi demokratikoekin baino". Porteroren aburuz, erabakia "traizio berri bat da". Ildo beretik mintzatu da AVT elkartea ere. Ohar batean, Pedro Sanchezi "traizioa betetzea" egotzi dio. "Henri Parot edo Txapote serieko hiltzaileek euren senitartekoengatik hurbil beteko dute zigorra, batere damurik agertu gabe eta justiziari lagundu gabe".
Alderdi Popularraren izenean, Miguel Tellado Antolaketa idazkariordeak esan du "nazkagarria" dela Sanchezek Arnaldo Otegi EH Bilduko koordinatzaile nagusiari kasu egitea, eta "Txapote eta Henri Parot terrorista ankerrak hurbiltzea". Horren hitzetan, "Gobernuak azalpenak baino gehiago eman behar ditu. Egindakoa zuzendu, akats bat dela esan, barkamena eskatu eta lehenbailehen atzera egin behar du".
Auziaz galdetuta, Pedro Sanchez Espainiako presidenteak gogorarazi du Jose Maria Aznarren agindupean ere presoak hurbildu zituztela, baina kasu hartan "talde terroristak hil egiten zuen eta jendea zuen bahituta".
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.