Griñanen familiak indultu eskaera aurkeztu du, gizatasuna eta ekitatea argudiatuta
Jose Antonio Griñan Andaluziako Gobernuko presidente ohiaren emazteak eta seme-alabek indultu partziala aurkeztu dute ostegun honetan Justizia Ministerioaren aurrean, belaunaldi bereko hainbat buruzagi sozialista historikoren babesarekin. Izan ere, sei urteko kartzela zigorra ezarri zioten Enplegu Erregulazioko Espedienteen auziaren harira.
Ekimena ezagutzen duten sozialisten arteko iturriek baietsi dutenez, besteak beste, Jose Luis Rodriguez Zapatero eta Felipe Gonzalez Gobernuko presidente ohiek, Alfonso Guerra presidenteorde ohiak eta Jose Bono Gaztela-Mantxako presidente ohiak sinatu dute eskaera.
Uda honetan eman du Gorenak Griñanentzat eskatutako sei urteko espetxe zigorraren berri, EEEen auzian diru publikoa bidegabe erabiltzeagatik. Hala ere, oraindik ez da epaiaren edukia ezagutzera eman, ezta Ana Ferrer eta Susana Polo magistratuen bi boto partikularrena ere. Bidegabeko erabileragatik eskatutako zigorraren aurka daude, eta horrexek dakar espetxe zigorra.
Hain zuzen ere, Pilar Llop Justizia ministroak nabarmendu duenez, "ez da ahobatezko epaia" eta, hortaz, "epaiak zer dion" ikusteaz, gain, "boto partikular horiek" diotena ere kontuan hartu beharko da.
Familiaren arabera, "familiarena bakarrik" da eskaera, eta Griñanen "ohiz kanpoko inguruabar pertsonaletan" dago oinarrituta. "76 urteko herritarra da, askatasunaren, demokraziaren, berdintasunaren eta Ongizate Estatuaren aldeko borroka ezaugarri izan duen akatsik gabeko ibilbidea izan duena". Halaber, azpimarratu dute "errespetu handia" izan diela beti Estatuko erakundeei, Justizia auzitegiak barne.
Sinatzaileek (Maria Teresa Caravaca emazteak eta Manuel, Ana eta Miguel seme-alabek) ohar batean adierazi dutenez, "epaiarekiko edozelako iritzi politiko edo juridikotik aldenduta" dago eskaera, eta "gizatasun eta ekitate arrazoiak soilik ditu oinarri".
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.