Diputatuen Kongresuak 'Katalunia' eta 'Kitchen' operazioak berriz ikertzeko batzorde berria sortzea adostu du
Jorge Fernandez Diazek Mariano Rajoyren lehen Gobernuan zuzendu zuen Barne Ministerioaren inguruan ikerketa batzorde berria sortzea onartu du Diputatuen Kongresuak, PSOE, Unidas Podemos eta ohiko bazkideen babesarekin.
Ustezko sare parapolizialak ikertzeko hirugarren batzordea da. Konkretuki, 'Katalunia Operazioa' ikertuko du, eta aurreko ekitaldi politikoan 'Kitchen Operazioaren' inguruan egindako azterketan sakonduko du.
PSOEk 'Katalunia Operazioa' berriro ikertzeko hasierako eskaerari zuzenketa aurkeztu zion, 'polizia patriotikoarekin' lankidetzan, Ministerioak ustez egindako irregulartasunak ere ikertzea eskatzeko. Gainerako indar politikoek zuzenketa onartu dute.
Horrela, batzordeak "Alderdi Popularreko Gobernuaren garaian Barne Ministerioaren jarduera" ikertzeko helburua izango du, "goi-kargudunek eta Poliziako agintariek ustez egindako irregulartasunen harira, baita ustezko sare pribatu eta presio lobbyak ere, beste herrialde batzuen subiranotasunaren urraketa eta loturak 'Katalunia operazioarekin'".
Zentzu horretan, ERC, Junts, PdeCat, CUP, EH Bildu eta BNGk iragan ekainean egindako ikerketa proposamena gehiago zabaltzea adostu dute. "Andorrako Printzerriaren burujabetzaren urraketa, Espainiako buruzagi politikoen eskutik, baita sare parapolizialak 'Katalunia Operazioaren' markoan", ikertzea eskatu zuten indar abertzaleek.
Buruzagi independentisten bankuko informazioa "legez kanpoko bideen bitartez" ezagutzeko saiakerekin zerikusia zutelakoan, indar politiko abertzaleek ikerketa eskatu zuten Andorrako Justizia Mariano Rajoy presidente ohia eta Cristobal Montoro eta Jorge Fernandez Diaz Ogasun eta Barne ministro ohiak, hurrenez hurren, ikertzen ari zela jakitera eman ondoren.
Andorrako Justiziak inputatutako agintari politikoen jarduera argitzeko asmoa du batzordeak, baita legedia eta kontrol demokratikotik at dagoen edozein sare parapolizialen existentzia Estatuko erakundeetan, eta haren ustezko lotura sare pribatu edo presio lobbyekin.
Rajoyren Gobernuko lehen Barne Ministerioarekin lotuta, bi ikerketa batzorde izan ditu Kongresuak, aurrenekoa 'Katalunia Operazioa' aztertzeko, Kataluniako independentismoa zelatatzeagatik, eta bigarrena, 'Kitchen Operazioaren' inguruan, Luis Barcenas PPko altxorzain ohiari agiriak lapurtzeko ustezko espioitza argitzeko.
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".