Ortuzar: "Ez Sanchez ez Feijoo, EAJk alde bakarra du, Euskadi, alegia"
Alderdi Egunaren 46. edizioa ospatu du EAJk igande honetan, ohi bezala, Forondako zelaietan, Araban, aurtengoan azkenik pandemia aurreko jai giroari eutsita.
Emandako hitza ez betetzeagatik erakutsitako "konpromiso falta" egotzi diote berriro ere Pedro Sanchez Espainiako Gobernuko presidenteari Andoni Ortuzar EAJren EBBko presidenteak eta Iñigo Urkullu lehendakariak ekitaldian egindako agerraldietan.
Gainera, EH Bilduri ere kritikak luzatu dizkiote, jeltzaleen aburuz, ezker independentistak "hutsik dauden Estatu-itunak" proposatzen dituelako, "zelofana baino ez" direnak.
Ostegunean Eusko Legebiltzarrean izandako Politika Orokorreko Saioan Iñigo Urkullu lehendakariak proposatutako itun handiak eta zabalak mintzagai izan ditu Andoni Ortuzar EAJren EBBko presidenteak. "Gure borondatea adostea da, eta borondate hori berbera aurkitu nahi dugu Euskadiko gainerako indar politikoetan, Bildu barne", adierazi du.
Horren aurrean, "galdutako Bildu bat ikusi dugu". "Nire aititeren behiarekin alderatu dudanean ez zaielako gustatu ala Madrilgo moketara ohitu direlako… Baina lur errearen bere politika historikoa ezkutatu nahi dute, kosta ahala kosta", kritikatu du. "Bikain diren itxura eman nahi dute orain, Estatu-itunak proposatzen, txurroak bailira, baina hutsik dago, zelofana baino ez da", jarraitu du.
"Ez Sanchez, ez Feijoo"
Espainiako politika ere mintzagai izan du Ortuzarrek. Pedro Sanchez Espainiako Gobernuko presidenteari inbestidura saioan EAJk emandako baiezkoa gogora ekarri du jeltzaleak. "Babesa ematen diogu astero-astero, erabateko ardura eta zintzotasunez, Kongresu eta Senatuko bozketetan. Baina, Sanchezek gauza bera esan dezake? Zoritxarrez, ez, ez borobil bat", deitoratu du. Hori dela eta, Sanchezen Gobernuari eskatu dio "borondate politikoa emandako hitza betetzeko orduan, EAJk egiten duen bezala".
Bestalde, Alberto Nuñez Feijoo Alderdi Popularreko burua ere aipatu du Ortuzarrek, eta laster harekin bilduko dela aurreratu du. Hala eta guztiz ere, argitu du EAJk "alde bakar bat" duela, "Ebro ibaiaren gainetik dago eta Euskadi da. Ez Sanchez, ez Feijoo: Euskadi eta bakarrik Euskadi", gaineratu du.
Azkenik, 2023ko udaberrian izango diren udal eta foru hauteskundeen harira, "eskuzabalak" izateko eskatu die EAJren oinarriei. "Alderdiak eskatzen badizue, hauteskunde zerrendetan joateko" eskatu die, "datozen urteak gogorrak izango baitira esparru politikoan". "Dena eman behar dugu", bukatu du.
Euskadi "prest" dago
Iñigo Urkullu lehendakaria Forondan bildutakoei zuzendu zaie, egungo egoera politiko, ekonomiko eta sozialaren diagnosia eginez, eta lau ardatz zehaztu ditu, hala nola, "pobrezia eta desberdintasuna; populazioaren zahartzea eta familia eredu berriak; kontsumo-ohituren aldaketak; eta migrazio fluxuak mundu osoan".
Erronka horien aurrean Euskadi "prest" dagoela aurreratu du Urkulluk, "ekintzatik", alegia, "etorkizuna ez baita asmatu behar, eraiki baizik". "Uztailean sei neurri proposatu genituen, eta aste honetan beste zortzi", gogoratu du, emergentzia sozialeko dirulaguntzak handitzeko, familien zerga zama arintzeko, etxebizitza sozialen kopurua zabaltzeko eta prezioen gorakada arintzeko elikagaien alorrari laguntzeko, besteak beste.
"Mugitzen ez den herriak garapenetik at geratzeko arriskua du", ondorioztatu du lehendakariak, "eta gure herriaren anbizioaren pareko diren helburuak ditugu", hala nola, langabezia tasa % 6tik behera kokatzea, karbonoaren isurketa murriztea, berrikuntzan buru izatea eta euskara eta kulturarekiko konpromisoa berrestea. "Helburuak ditugu, borondatea, indarra, ilusioa eta arima", amaitu du.
Ukrainarekiko elkartasuna
Agintarien ohiko desfilearen ondoren eta "Eusko Abendaren Ereserkia" himnoaren ostean, minutu bateko isilunea egin dute pandemian zendu diren pertsona guztiak gogoratuz.
Alderdi Egunean izan dira Katalunia, Kanariar irlak, Galiza, Illes Balears, Flandria, Bretainia, Okzitania, Frantzia, Txile, Szekler, Georgia, Kosovo, Angola eta Biokoko ordezkari eta lagunak.
Halaber, Ukrainako bandera bat ikusgai izan da Forondako pantaila erraldoian, eta Ortuzarrek EAJren elkartasun osoa adierazi dio Errusiak inbaditutako herrialdeari.
Albiste gehiago politika
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.