Senatuak amiantoaren biktimentzako funtsa onartu du hainbat urtetako aldarrikapenen ostean
Senatuak amiantoaren biktimentzako funtsa aho batez onartu du arratsaldean, kaltedunen hainbat urtetako aldarrikapenen ostean. Ekimena aldeko 259 botorekin eta Antonio Roman Jasanada PPko senatariaren boto oker batekin onartu da.
Iñigo Iturrate EAJko legebiltzarkideak adierazi duenez, funtsa onartuta "Estatua zorra kitatzen hasi da" amiantoaren biktimekin.
Funts hori onartzeagatik poztu arren, legebiltzarkide jeltzalearen iritziz, erreparazio hori berandu dator. "Jende asko geratu da bidean, substantzia kantzerigeno horren eraginpean hil da, eta beste askok justizia eta aitortza eskatu behar izan dute".
Gogorarazi duenez, orain arte, amiantoaren biktimek Justiziara jotzea baino ez zuten, eta horrek "kostu ekonomiko eta pertsonalak" zekartzan, baina hemendik aurrera, "baliabide amaigabeen beharrik gabe, onartu egiten da hartutako gaixotasunak arduradun batzuk dituela, eta Estatuak bere gain hartuko dituela laguntza horiek".
Hasiera batean, funtsak 25 milioi euro jasoko ditu Estatuko Aurrekontu Orokorretatik, eta pertsonak orok "bere lan-, etxe- edo ingurumen-eremuan, amiantoaren eraginpean egotearen ondorioz osasunean izandako kalteak ordaintzeko balioko du".
Gizarte Segurantzako Institutu Nazionalak kudeatuko du funtsa, eta Estatuko Aurrekontu Orokorretan zehazten diren kontsignazioak edo transferentziak izango ditu, baita beste ekarpen batzuk ere, hala nola enpresei ezarritako zigorrenak.
Estatuko Aldizkari Ofizialean argitaratu ondoren, gehienez hiru hilabeteko epea ematen dute funtsaren jarduerak abian jartzeko, eta beharrezkoa den erregelamendua garatzeko.
XX. mende osoan 2.600.000 tona amianto inportatu ziren. Kontsumorik handiena 1970 eta 1980. urteen artean izan zen, eraikuntzan erabilitako hiru laurden inguru, eta zientifikoki frogatu da mesoteliomarekiko harremana.
Espainiako Estatuan, 1994 eta 2008. urteen artean, amiantoarekin zuzenean lotutako 3.943 heriotza izan ziren.
Legearen arabera, "amiantoak eragindako patologien urteko kopurua kalkulatuz gero, 2003 eta 2009. urteen artean 7.154 kasu izan ziren, modu ezberdinetan kalte-ordaina eman beharrekoak".
Horregatik, talde politiko gehienek bat egin dute amiantoak eragindako kalteak konpontzea "justizia historikoaren" kontua dela esaterakoan.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.