Bankuen gaineko zergak foru ogasunek kudeatzea adostu du EH Bilduk Espainiako Gobernuarekin
Bankuen eta elektriken gaineko zergak Hego Euskal Herriko foru ogasunek kudeatzea adostu dute EH Bilduk eta Espainiako Gobernuak, 2023rako aurrekontuen negoziazioaren barruan. Horrez gain, koalizio abertzaleak ohar bidez jakitera eman duenez, zerga horiek "egiturazkoak eta betirako" izatea aztertzeko "konpromisoa hartu du idatziz" Exekutibo espainiarrak, eta gaiaren inguruko txosten tekniko bat egingo duela agindu du.
Kongresuan egin duen agerraldi labur batean, Oscar Matute EH Bilduko diputatuak esan du datozen egunotan hizketan jarraituko dutela bi aldeek, akordio gehiagoren bila. Horren hitzetan, herritarrentzat eskubide gehiago lortzea, eta gizarte hobe bat eraikitzen jarraitzea dira helburuak.
Kongresuko Gai Ekonomikoetako Batzordeak gaur bertan onartuko du ekimena, eta, behin urrats hori eginda, datorren ostegunean iritsiko da Kongresuko osoko bilkurara. Bankuen eta elektriken gaineko zergen gaia lantzen hasi zirenetik, EH Bilduk behin eta berriz salatu du zerga horien indarraldia bi urtera mugatzeak (2022-2023) ez zuela "oinarrizko arazoa konponduko".
Akordioaren garrantzia nabarmentzearekin batera, Matutek azaldu du Espainiako Gobernuak bere hitza bete, eta aipatutako zergak "iraunkor" bihurtzeko urratsak ematen hastea espero duela. "Urrats garrantzitsua da aberastasunaren banaketa justu baten bidean. Gehien dutenek gehiago ordaintzea ahalbidetuko du. Bankuek eta elektrika handiek bere gain hartu beharko dituzte krisi sozialaren eta ekonomikoaren ondorioak", gehitu du.
Halere, diputatuak argi utzi du Espainiako Gobernuarekin negoziatzen jarraituko dutela datozen egunotan akordio zabalago baten bila. Esan duenez, oraingoz, datorren urterako aurrekontuek ez dute EH Bilduren "bost diputatuen babesa bermatuta".
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.