Urkullu lehendakariak esan du konponbidea bilatzea premiazkoa dela emakumeei "babes handiagoa" eskaintzeko
"Bai bakarrik da bai" legearen ondorioz sortu den polemikaren harira bere iritzia eman du gaur Iñigo Urkullu lehendakariak, eta adierazi du konponbidea bilatzea premiazkoa dela emakumeei babes handiagoa eskaintzeko. Horretarako, doktrina bateratzea, legea moldatzea edo bi alternatiba horiek uztartzea proposatu du.
Duela hilabete pasatxo "Bai bakarrik da bai" legea indarrean sartu zenetik, hainbat bortxatzailek epaitegietara jo dute zigorra berrikustea eskatuz, eta hainbati murriztu egin diete.
Lehendakariak gaur azaldu duenez, legearen helburua "argia" da: "emakumeei babes handiagoa eskaintzea". Ildo horretan, sortu diren arazoak "nahi gabekoak" direla uste du "gizarte osoak partekatzen duen helburu baten aurka" doazelako.
Hori dela eta, azpimarratu du premiazkoa dela "inork nahi ez dituen erabakiak saihestea, zalaparta murriztea eta arrazionaltasunez jokatzea".
Zure interesekoa izan daiteke
93 urte zituela hil da Antonio Tejero, O23ko estatu kolpe saiakeran protagonista izan zen teniente koronela
Haren heriotzaren iragarpena bat dator huts egindako kolpearen dokumentu desklasifikatuen argitalpenarekin.
Euskararen indarberritze prozesuan norabide aldaketa bat proposatzen duen ‘Lurralde Estrategia’ aurkeztu du UEMAk
Estrategiak bi ideia nagusi ditu oinarrian: arnasguneen eta lurgune euskaldunenaren gainbehera iraultzea eta indartze bidean jartzea, eta hizkuntza politika lurralde ikuspegitik planifikatzea.
Javier Remirezek Montejurrari, Mikel Zabalzari eta Sanferminei buruzko dokumentuak desklasifikatzeko eskatu du
Nafarroako Gobernuko lehen presidenteordeak prentsaurrekoan adierazi duenez, "demokraziarako beti da positiboa" informazioa desklasifikatzea, "iraganeko gertaerak hobeto ulertzeko aukera" ematen baitu, "demokrazia helduei dagokien gisan". Nafarroako Gobernuak sekretu ofizialei buruzko araudi berri bat egiteko eskatu du, indarrean dagoena 1968koa baita, "diktadura frankista garaikoa".
Espainiako Telebistan indarrez sartu ziren militarrek jasotako agindua: “Lehen tiroa, airera; eta bigarrena, jotzera”
Desklasifikatutako dokumentuetako batek El Pardo unitate militarraren telefono bidezko elkarrizketak jasotzen ditu.
Informatzaile batek CESIDi jakinarazi zion Juan Carlos I.a militar kolpistekin bildu zela, epaiketak Errege Etxea kaltetu ez zezan
Dokumentuak jasotzen duenez, erregea Milans del Bosch kolpistarekin bildu zen. Zerbitzu sekretuek sinesgarritasuna eman zioten informazioari, eta “goi-mailako ezagutza” gisa sailkatu zuen.
Dokumentu desklasifikatuek agerian utzi dute CESIDeko sei agente O23an inplikatuta egon zirela
Defentsa Ministerioak argitaratutako txostenen arabera, unitate berezi bateko kideek kolpe-saiakeran parte hartu zuten, eta haien jarduna estaltzen saiatu ziren.
Tejeroren elkarrizketak eta CESIDen oharrak, desklasifikatutako O23ko dokumentuen artean
Dokumentazioa Moncloaren webgunearen bidez eskura daiteke, eta hainbat ministeriotako 153 dokumentu biltzen ditu, estatu-kolpe saiakeraren aurrekoa eta ondorengoa barne.
Yolanda Diazek iragarri du ez dela hautagai izango 2027ko hauteskunde orokorretan
Espainiako Gobernuko bigarren presidenteordeak Bluesky sare sozialean argitaratutako mezu baten bidez eman du erabakiaren berri, eta Lan Ministerioan izandako agintaldiaren balantzea egin du.
Karmele Tubillak ostegunean utziko du Santurtziko alkate kargua
EAJk oraindik ez du baieztatu nor izango den Tubilla ordezkatzeko hautagai jeltzalea.
O23ko paperekin herritarrekiko zor bat kitatu dela adierazi du Sanchezek
Kongresuko kontrol saioan, Mertxe Aizpurua EH Bilduren Kongresuko bozeramaileak ontzat jo du erabakia, baina, haratago joateko eta GALen eta Mikel Zabalzaren hilketaren inguruko sekretuak ere altxatzeko eskatu dio presidenteari, "euskal jendartearentzat garrantzi handiko" kasuak direlako.