Kongresuak gaur onartuko ditu Aurrekontu Orokorrak, EAJren, EH Bilduren eta gainerako bazkideen babesarekin
Espainiako Diputatuen Kongresuko osoko bilkurak 2023ko Estatuko Aurrekontu Orokorrak onartuko ditu gaur, gehiengo zabalarekin onartu ere, 200 zuzenketa baino gehiago onartu baitizkiote testuari. Behe Ganberak onartuta, lege proiektuak Senatuan jarraituko du bere izapidetzea.
Oraingoz, koalizio gobernuak bermatuta ditu aldeko 174 botoak, alegia, testua gehiengo soilez onartu ahal izateko ("baietz"ak "ezetzak" baino gehiago izatea; izan ere, Alberto Rodriguez Podemoseko diputatu ohiaren aulkiak hutsik jarraitzen du, eta BNGk abstentziora joko du): PSOE (120), Unidas Podemos (33), EAJ (6), EH Bildu (5), PDeCAT (4), Coalición Canaria (2), Más País (2), Compromís (1) eta PRC (1).
Dena dela, litekeena da ERCk ere (13 ordezkari) egitasmoaren alde bozkatzea —hainbat zuzenketa onartu dizkiote—, eta, hala, baliteke azkenean 187 "bai" izatea.
EAJ izan zen testua babestuko zuela baieztatzen lehenetarikoa: aurrena, Kupoa berritzeko akordioa lortuta, eta gero, dozenaka zuzenketa partzial adostuta. Besteak beste, EAEko trenbide azpiegiturak hobetzeko 25 milioi euroko partidak, eta ikerketa+garapen eta berrikuntzan eta kulturan inbertsioak egiteko konpromisoa lortu dute jeltzaleek.
EH Bilduk, bestalde, asteartean baieztatu zuen bere baietza. Koalizio subiranistak nabarmendu zuenez, hainbat akordio itxi dituzte, tartean, 2023ra arte luzatzea % 2ko muga alokairu-errentak eguneratzeko, eta kotizazio gabeko pentsioak % 15 igotzea 2023an ere.
Eztabaida 09:00etan abiatuko da, baina arratsaldera arte, ez dute bozketa egingo.
Zure interesekoa izan daiteke
Maduroren aurkakoen poza, atxiloketa ospatzean, Bilbon
Euskadin, Venezuelako komunitatea bereziki ugaria da Bizkaian, eta gaur arratsaldean Nicolas Maduroren atxiloketa ospatzeko elkarretaratzea egin dute Bilboko udaletxearen aurrean. EAJko eta PPko kideak ere bertan izan dira.
Venezuelari egindako "eraso inperialista" salatu dute ehunka lagunek Hego Euskal Herriko hiriburuetan
Hainbat eragile politiko, sindikal eta sozialek osatzen duten Hegoak plataforma internazionalistak deitu ditu elkarretaratzeak "Eraso inperialistarik ez. Venezuelak burujabetza. Herriarekin bat! "lelopean. EH Bildu Podemos eta IUNen babesa izan dute.
EH Bilduk "nazioarteko zuzenbidea suntsitzea" eta "Europako hauteskundeetan parte hartu nahi izatea" leporatu dio Trumpi
“Trumpek hasiera eman dio bere plan inperialistari, eskuin-muturrari eta boteretsuei mesede egiteko helburuarekin”, esan du Igor Zulaikak, EH Bilduren Nazioarteko Politika eta Harremanetarako arduradunak. “Bakearen, demokraziaren eta autodeterminazio eskubidearen alde elkartu gara”, gaineratu du.
Sanchezek legegintzaldia amaitzeko konpromisoa berretsi dio militantziari, eta "ausardia eta irmotasuna" eskatu ditu
Espainiako Gobernuko presidenteak "irmo" gaitzetsi du AEBk Venezuelaren aurka egindako erasoa, eta nazioarteko zuzenbidearen defentsa berretsi du.
Venezuelaren aldeko elkarretaratzeak deitu dituzte Hego Euskal Herrian
Deialdia sare sozialen bidez zabaldu dute. Igande honetan egingo dituzte protestak, 12:30ean, Donostiako Boulevardean, Venezuelak Bilbon duen kontsulatuaren aurrean eta Iruñeko Udaletxe plazan. Ordu erdi geroago, Gasteizko Andre Maria Zuriaren plazan elkartuko dira. Besteak beste, EH Bilduk parte hartuko du bilkura horietan.
Sarek datorren larunbatean Bilboko kaleak betetzeko deia egin du, salbuespenezko politiken amaiera eskatzeko
Datorren larunbatean, hilak 10, ETAko presoen "eskubideen urraketen amaiera eskatzeko" urtero egiten duen mobilizazioan parte hartzeko dei egin dio Sare herritar sareak euskal jendarteari. Manifestazioa "jai giroan" egingo dela eta Alde Zaharrean jarduerak izango direla iragarri dute. Hainbat pertsona ezagunek eramango dute pankarta, Francis Diez abeslaria izango da tartean, eta, besteak beste, Pantxoa eta Peio arituko dira amaierako ekitaldian.
Valentziako goialdeko depresioaren egunean Mazonekin izandako mezu guztiak epaileari bidali dizkio Feijook
Urriaren 29an Mazoni bidalitako "mezu guztiak" igorri dizkiola esan dio PPko buruak epaileari, argi utzita ez dutela "txat horretako mezurik ezabatu". Halaber, Generalitateko presidente ohiaren mezuak eta erantzunak irakur daitezke ere bai.
Urtarrilaren 10ean egingo du EH Bilduk Batzar Nagusia, "Elkarrizketa Nazionalaren" balantzea egiteko
Koalizioaren ustez, 2026 urtea euskal politikagintzan gakoa izango da, eta "lokatzetan dabiltzanen" aurrean egindako lan "konprometitu eta leiala" aldarrikatu du.
EAJ: oposizioa haserre dago herri akordio handietan sartzen ez delako
Joseba Diaz Antxustegi EAJren Legebiltzarreko bozeramaileak nabarmendu duenez, Euskadiko oposizioa "haserre dago herrialdeko akordio handietan sartzeko gai ez izateagatik", eta haserre horrek "Madrilgo giro politikoaren polarizazioa eta zarata Euskadira ekartzera eraman ditu".
Pradalesek "bere etxea zaindu eta gobernatu" nahi badu, "etxebizitzarako eskubidea bermatzetik" hasi behar duela adierazi du Podemosek
Richar Vaquero Podemos Euskadiko koordinatzaile nagusiak adierazi duenez, bere alderdiak espero du Euskadin "inor ez dela legez kanpokotzat joko", migratzaileei erreferentzia eginez, eta euskarak "batzeko" balio izatea.