Tapia: "Hilabete hotzenak ditugu aurretik, eta egoera konplexua izango da denontzat"
Atzeraldi baterako arriskurik ez, baina motelaldi betean ikusten du euskal ekonomia Arantza Tapia Ekonomiaren Garapen, Jasangarritasun eta Ingurumeneko sailburuak. Haren hitzetan, bere sailaren ahalegin nagusia, une honetan, ekonomiaren gelditze horri aurre egiteko erremintak martxan jartzean datza. Aitortu du energiaren eta argindarraren prezioen igoera ez dela ari izaten aurreikusi bezain altua, eta horrek egoera "zerbait arintzea" ahalbidetu duela. Halere, gogora ekarri nahi izan du "hilabete hotzenak" oraindik aurretik daudela, "enpresek, herritarrek zein administrazioek egoera konplexua jasan" beharko dutela esateko.
Radio Euskadin egindako elkarrizketan, Espainiako Espazio Agentziaren egoitzarako Sevilla hautatu izanaz ere mintzatu da. Joan zen azaroaren 2an iragarri zuen Tapiak berak erakunde horren egoitza izateko hautagaitza aurkeztu zuela Euskadik, eta, orain, aukera ez dutela ikusita, "haserre ez", baina "prozesuaren formekin" bat ez datozela onartu du sailburuak. Bere iritzian, gauzak nola joan diren aztertuta, "hasieratik erabakita zirudien" egoitza Sevillan jarriko zutela, baina hautagaitzak aurkezteko bidea abian jarri zuten, "prozesua justifikatzeko". Ados egon ez arren, Gasteizko Exekutiboak jakinarazi du ez duela prozesua errekurrituko.
Halaber, EAEn eraiki asmo dituzten parke eolikoak ere izan dituzte hizpide. Ekonomiaren Garapen, Jasangarritasun eta Ingurumeneko sailburuaren arabera, trantsizio energetikorako bidea "lehenbailehen" zabaldu behar da, eta horretarako, "inbertsioen prozesuak azkartu" egin behar dira. "Energia berriztagarria sortuko duten proiektuak lehenbailehen jarri behar ditugu abian. Trantsizio energetikoa azkartzea nahi badugu, prozesuak ahalbidetuko dituen baimenak azkartu behar ditugu", esan du.
Bestalde, Donostialdeko ESIko krisiaz, atzo Eusko Jaurlaritzako eledun Bingen Zupiriak esandakoak berretsi ditu. Gatazka bideratzeko modu bakarra elkarrizketa dela azpimarratu du, baina "hedabideetatik kanpo".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.