Migratzailea naiz, Euskadin bizi naiz eta maiatzeko hauteskundeetan bozkatu nahi dut: zer egin behar dut?
Hurrengo hauteskundeak 2023ko maiatzaren 28an izango ditugu, egun horretan baitira udal eta foro hauteskundeak. Testuinguru horretan, Migrazioaren eta Asiloaren EAEko Foroak "Botoa ematea zure eskubidea da" kanpaina abiatu du. Horren helburua da laguntza ematea atzerriko jatorria duten, Euskadin bizi diren eta botoa emateko baldintzak betetzen dituzten 57.412 herritarrei. Foroak gida argitaratu du, eta bertan jasota daude zer egin behar duten herritar horiek bozkatzeko; aukera hori izango dute Europar Batasuneko edozein herrialdetako herritarrek eta sufragio akordio aldebikoa duten herrialdeetako herritarrek. Akordio hori duten herrialdeak honako hauek dira: Bolivia, Cabo Verde, Kolonbia, Hego Korea, Ekuador, Txile, Peru, Islandia, Norvegia, Zeelanda Berria, Paraguai, Erresuma Batua eta Trinidad eta Tobago.
Hau da herrialde horietako herritarrek egin beharrekoa:
- Europar Batasuneko herritarra bazara eta besteren batean bozkatu baduzu, ez duzu zertan ezer egin; izan ere, hautesle erroldan izena emanda zaude.
- EBko herritarra bazara eta lehen aldiz nahi baduzu botoa emateko eskubidea erabili, zure asmoa 2023ko urtarrilaren 30 baino lehen adierazi beharko duzu. Horretarako, erroldatze ziurtagiria beharko duzu, eta zure asmoa berariaz adieraztea, web orri honen bidez. Bizi zaren Udaletxean ere egin ahal duzu, aurreko web orrian dagoen adierazpen formaleko inprimakia betez, edo postaz.
- Europar Batasunekoa ez den herrialde bateko herritarra bazara, baina, hautesle erroldan izena emateko epea lehenago amaituko da, 2023ko urtarrilaren 15ean. Zabalik dago epe hori.
- Zer lortu behar duzu?
* Bizi zaren udalerriko erroldatze ziurtagiria.
* Espainiar Estatuan bizitzeko baimena.
- Jatorriko herrialdea Norvegia edo Erresuma Batua baduzu, espainiar Estatuan legearen barruan gutxienez hiru urtez bizi izana beharko duzu.
- Zure jatorriko herrialdea aurrekoan aipatutako beste edozein bada, aldiz, espainiar Estatuan gutxienez bost urtez bizi izana beharko duzu.
Gerora, botoa emateko eskubidea erabili nahi duzula adierazten duen agiria behar da (aurrekoan azaldu dugu hori noa kudeatu).
Zure interesekoa izan daiteke
Pradalesek humanismoa aldarrikatu du ziurgabetasunaren aurrean Euskadiren "euskarri sendoena" bezala
Lehendakariak Jose Maria Arizmendiarrieta, euskal kooperatiben mugimenduaren sortzailea, eta Jose Antonio Agirre lehendakaria aipatu ditu humanismoaren erreferente gisa, eta kontzeptu hori eguneratzea beharrezkotzat jo du.
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.
Bizirik dauden migratzaileak eta hildakoen gorpuak aberriratzeko eskatu dio Marokok Espainiari
Marokoko Justizia ministroak Espainiarekin akordio bat sinatzeko eskatu du, eta ziurtatu du Maroko prest dagoela autobusak Ceutara bidaltzeko, bizirik dauden migatzaileak hartzeko.
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.