Trans Legea onartu du Espainiako Kongresuak, Carmen Calvo sozialistaren abstentzioarekin
Azken hilabeotan Espainiako Gobernuko bazkideen artean —PSOE eta Unidas Podemos— hainbeste tirabira eragin dituen Trans Legea azkenean gaur onartu du Diputatuen Kongresuak. PPk, Voxek eta Ciudanosek kontra bozkatu dute, eta Carmen Calvo sozialistak ere, abstentziora jo du, alderdiaren boto diziplina hautsita. Hiru hilabete baino gehiago iraun du legearen tramitazioak Behe Ganberan.
Calvo PSOEko diputatua hasieratik agertu da legearekiko oso kritiko, bereziki, genero autodeterminazioari dagokion atalarekin eta horrek emakumeen eskubideengan izan ditzakeen ondorioekin.
"Trans Lege bat izatearekin ados nago, baina ez lege honekin", esan du gaur, bozketa amaitu berritan, non boto diziplina hautsi du bere abstentzioarekin. Horregatik, Calvok 600 euroko balizko zehapenari aurre egin beharko dio. Gainera, beste parlamentari sozialista batzuk eserita eta txalorik jo gabe egon dira.
PSOEk hainbat zuzenketa aurkeztu zizkion legeari, adingabeen autodeterminazioa mugatzeko eta trans pertsonen bihurtze prozesua zorrozteko, baina batzordean ez zuen talde bakar batek ere bere ekimenen aldeko botorik eman, eta azkenean erabaki zuen proposamen horiei ez eustea osoko bilkuran legea eztabaidatzeko.
Testuak, orain, Senatuko tramite fasera igaro beharko du, eta onartzen du pertsonaren borondatea dela baldintza bakarra erregistroan sexua aldatzeko; 16 urtetik beherakoen eta 14 urtetik gorakoen kasuan, berriz, gurasoekin edo tutoreekin joan beharko dute. 14 urte baino gutxiago eta 12 baino gehiago dituztenean bakarrik izango da beharrezkoa epaile baten esku-hartzea erregistro-aldaketarako.
12 urtetik beherakoek ezin izango dute sexua aldatu erregistroan, baina bai izena NANean.
Konbertsio-terapiak debekatzen ditu, lesbianei, bisexualei eta transei ugalketa laguntzeko teknikak erabiltzeko aukera izatea bermatzen die, eta lesbianen eta bisexualen seme-alaben filiazioa onartzen du, ezkonduta egon beharrik gabe.
Bestalde, besteak beste, trans pertsonak gizarteratzeko estatu-estrategia bat aurreikusten du, kolektibo horren aldeko neurriekin, lan-arloan, hezkuntzan edo etxebizitzan, esaterako.
Irene Montero Berdintasun ministroa eta Unidas Podemoseko diputatuak Behe Ganberatik atera dira kalera, Kongresuko eskaileretan zain zituzten 50 pertsona baino gehiagoren txalo artean. LGTBI eta trans banderekin eta bengalak jaurtiz, kolektiboek harrera egin diote ministroari argazkia atera aurretik.
Zure interesekoa izan daiteke
Bi dekretu onartzea adostu dute PSOEk eta Sumarrek: bat krisiaren kontrako neurriekin eta bestea etxebizitzari buruzkoa
Irango gerraren ondorioak leuntzeko lege-dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairu-kontratuen luzapena eta enpresa-marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.