Aizpurua: "Ez gara BEZa jaistearen aldekoak, baina oinarrizko elikagaien kasuan zerbait behar dugu"
Mertxe Aizpurua EH Bilduk Diputatuen Kongresuan duen bozeramaileak oinarrizko elikagaien prezioetan eragiteko neurriak defendatu ditu, Euskadi Irratiko Faktorian egindako elkarrizketa batean.
Azaldu duenez, EH Bildu ez dago, orokorrean, BEZa jaistearen alde, baina elikagaien prezioek "guztiei eragiten diete", eta "egia da elikagai basikoetan zerbait behar dugula". "Elikagaien prezioek gora eta gora egiten badute, igotzen badira, topea jarri behar zaie", esan du.
Zentzu horretan, Espainiako Gobernuak proposatutakoa "bide bat izan daiteke". "Ez dugu gaizki ikusten, planteatzen duten bezala. Gero, ikusi behar da. BEZa jaistea bezalako erabakiak tentuz hartu behar dira", gehitu du.
Gainera, distribuzio katean "esku hartu beharko litzateke", hor ematen baitira prezioen igoera gehienak. Aizpuruak azaldu du behin behineko neurriak baino ez direla hartzen, arazoa "egiturazkoa" den arren. Zentzu horretan, banaketa enpresa handiei, banketxeei eta enpresa energetiko handiei bezala, zergak igotzea defendatu du.
Aizpuruaren arabera, badu "logika" erregaien 0'20 euroko deskontu orokortua sektore batzuentzat bakarrik mantentzea, beherakada orokorraren "erabilpen txarra" egin delako. "Erabakia desberdina izango litzateke prezioak oraindik topera egongo balira", gehitu du.
Edozein kasutan, Espainiako Gobernuak aurkeztu behar dituen neurriak "azaletik" baino ez ditu ezagutzen Aizpuruak, Exekutiboak ez dituelako aurretik EH Bildurekin negoziatu.
Erabakitze eskubidea Euskal Herrian adostu beharra
EAJk erabakitze eskubidea sartzeko Konstituzioa aldatzeko proposamenaz galdetuta, Aizpuruak nabarmendu du EH Bildu ez dagoela kontra, baina "inora ez doan bide bat irekitzea" dela. "Hori ez da aterako, denek dakite, EAJk eta Juntsek badakite". Horregatik, Euskal Herritik "zerbait adostuta eraman beharko genuke, eta ez horrela".
Zentzu horretan, Pere Aragonesek Kataluniarentzat egindako proposamenarekin bat dator Aizpurua, eta Euskal Herria bide beretik joatea nahi du. Kataluniak eta Euskal Herriak "nolabaiteko fronte bat planteatu beharko genioke Estatuari, ez baita gure arazoa, Espainiak duen arazoa baita".
Zure interesekoa izan daiteke
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.