Zerga erreforma begi onez ikusten du Elkarrekin Podemosek, baina hauteskunde kutsua hartzen dio iragapernari
EAEko zerga sistema erreformatzeko EAJko eta PSE-EEko zuzendaritzek hartu-emanak hastea "ondo" iruditzen zaiola esan du Elkarrekin Podemos-IU taldeak, baina iragarpena maiatzeko hauteskundeen aurretik egitea kezkagarria dela uste du. Jaurlaritzako bi bazkideek gaur kaleratu duten ohar bateratuan azaldu dutenez, "progresibitatea areagotzeko eta euskal gizarteak aurre egin beharko dien erronkei erantzuteko" moldatu nahi dute fiskalitatea.
Hedabideetara igorritako mezu batean, Miren Gorrotxategi Elkarrekin Podemos-IU taldearen Eusko Legebiltzarreko eledunak nabarmendu du jeltzaleek eta sozialistek aurreratutakoak — progresibitatea areagotzeko asmoa agertu dute— Podemos Euskadik urtetan egindako aldarrikapena aitortzen duela, inplizituki bada ere.
"Guk 2020an erreforma fiskal oso bat aurkeztu genuen, eta ezetz esan zitzaigun. 2023ko aurrekontuen negoziazioan ere, antzeko proposamen bat egin genuen eta orduan ere ezetz esan ziguten. Legebiltzarrean askotan proposatu dugu gauza bera, galdera eta interpelazioen bidez. Beti ezetz esan digute, ez dela momentua zerga erreformak egiteko esanez. Zerk arduratzen gaitu? Momentua justu orain izateak, hauteskundeak datozenean", azaldu du Gorrotxategik.
Halaber, kezkatuta agertu da 2018an popularrekin adostutako zerga erreformaren "balorazio positiboa" egin dutelako bai EAJk, eta baita PSE-EEk ere. Bi alderdi horien iritzian, fiskalitatea aldatzeko "abiapuntua 2013ko erreforma eta 2018ko doikuntza izango dira".
Erreformak hartuko duen neurria eta forma ikusteko dauden arren, progresibitatean sakontzea "hasteko, ona" dela azaldu du alderdi moreko kideak. "Denborak esango du zertan geratzen den", amaitu du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.