ETAko azken bost presoak Euskal Herriratzeko baimenarekin amaiera eman diote sakabanaketari
Barne Ministerioaren menpe dagoen Espetxe Erakundeetako Idazkaritza Nagusiak ETAko azken bost presoak Euskal Autonomia Erkidegoko (EAE) espetxeetara hurbiltzeko agindua eman du ostiral honetan, EITB Mediak jakin ahal izan duenez.
Asier Borrero, Gregorio Escudero, Garikoitz Etxeberria, Irantzu Gallastegi eta Faustino Marcos dira presoak. Azken lekualdaketa horrekin, Pedro Sanchezen Gobernuak amaiera eman dio euskal presoen urruntze-politikari.
Eusko Jaurlaritzako azken datuen arabera, ETAko 144 preso daude Euskal Autonomia Erkidegoko espetxeetan: 78 Araban, 39 Gipuzkoan eta 27 Bizkaian. Horiei gehitu behar zaizkie iristear dauden beste zazpi (aurretik iragarritako lekualdaketak) eta gaur iragarritako bostak. Guztira, 156 izango lirateke denak heltzen direnean.
Asier Borrero 2019ko otsailaren 25ean sartu zuten kartzelan. 6 urteko zigorra betetzen ari da lehergailuak eduki, fabrikatu eta jartzeagatik, eta El Dueso espetxetik (Kantabria) eramango dute. Zigorraren hiru laurdenak 2023ko abuztuan beteko ditu.
Gregorio Escudero 2002ko martxoaren 31n espetxeratu zuten, eta 30 urteko zigorra betetzen ari da hilketa, homizidio terrorista eta triskantza delituengatik. Dueñaseko (Palentzia) espetxetik Euskal Autonomia Erkidegoak aukeratzen duen espetxera lekualdatuko dute. 2024ko irailean zigorraren hiru laurdenak beteko ditu.
Garikoitz Etxeberria Dueñaseko (Palentzia) espetxean dago. 2007ko martxoaren 17an espetxeratu zuten, eta 20 urteko kondena metatua betetzen ari da elkarte terroristako kide izateagatik, lehergaiak garraiatu eta gordetzeagatik, armak legez kanpo edukitzeagatik eta faltsutzeagatik. Zigorraren hiru laurdenak 2022ko urtarrilean bete zituen.
Irantzu Gallastegi Madrid VII espetxetik (Estremera) EAEn dagokion espetxera eramango dute. 2005eko ekainaren 14an espetxeratu zuten eta 30 urteko zigorra betetzen ari da hilketak, bahiketa terrorista, lehergailuak edukitzea eta hondamena egotzita. Zigorraren hiru laurdenak 2024ko azaroan beteko ditu.
Faustino Marcos, berriz, Darocako (Zaragoza) espetxetik eramango dute. 2010eko otsailaren 20an espetxeratu zuten eta 12 urte eta 14 hilabeteko zigorra betetzen ari da talde armatuko kide izatea, armak edukitzea eta faltsutzea egotzita. 2019ko abenduan zigorraren hiru laurdenak bete zituen.
Halarik ere, oraindik gelditzen da beste emakumezko preso bat Madrilgo espetxe batean, berak hala erabakita.
Sare herritarra eta Etxerat presoen senideen elkartea pozik agertu dira sakabanaketa politikaren amaieragatik, eta "presoak, errefuxiatuak eta deportatuak etxean egon arte" lanean jarraitzeko deia egin dute.
Sare herritarra pozik agertu da sare sozialetan zabaldutako mezu batean, "azkenean, hainbeste itxaroten ari ginen albistea iritsi delako". "34 urte baino gehiago iraun duen urruntze politika amaitu da. Orain bai. Orain lanean jarraitu behar dugu, presoak, errefuxiatuak eta deportatuak etxean egon arte", gaineratu du.
Bestalde, Etxeratek nabarmendu duenez, "sufrimendu handiaren ostean, amaitu egiten da aro krudel eta amaigabe hau". "Gure oroimenean sakabanaketaren ondorioz hildako 16 biktimak. Lana dugu preso eta iheslarien etxeratze eta elkarbizitzarako bidea amaitzeko", adierazi du.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen. Hazte Oir elkarteak Sortu salatu du, gorroto delitua, sentimendu erlijiosoen aurkako delitua eta terrorismoa goratzea egotzita.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".