Hector Gomez izango da Industria, Komertzio eta Turismo ministro berria, eta Jose Manuel Miñones Osasunekoa
Bi aldaketa iragarri ditu Pedro Sanchez Espainiako Gobernuko presidenteak bere exekutiboaren organigraman. Hector Gomez izango da Industria, Komertzio eta Turismo ministro berria, eta Jose Manuel Miñones Osasunekoa. Hain zuzen, Reyes Marotoren eta Carolina Dariasen lekukoa hartuko dute, egungo ministro bi horiek maiatzaren 28ko hauteskundeetara aurkeztuko baitira eta, ondorioz, ministro kargua utzi beharko baitute. Maroto PSOEko zerrendaburua izango da Madrilgo alkatetzarako lehian, eta Carolina Darias, Las Palmaserakoan.
Moncloa Jauregian egin duen agerraldi batean iragarri ditu aldaketok Sanchezek, eta, bertan, Marotok zein Dariasek azken urteotan egindako lana eskertu du. Lehenak "Espainiako industriari" emandako bultzada eta bigarrenak pandemiaren kudeaketan egindako lana azpimarratu ditu.
Politikagintzan aritutakoak dira bi ministro berriak ere. Gomez Marotoren lantaldeko kidea da, eta Kongresuan sozialisten eledun lanetan aritu zen 2021eko irailetik 2022ko uztailera (Patxi Lopezek hartu zuen haren lekukoa). Miñones, Farmazian lizentziaduna, bere aldetik, Espainiako Gobernuko ordezkaria izan da Galizian.
"Bi ministro berriek oso ondo ezagutzen dituzte kudeatuko dituzten lan esparruak. Esperientzia eta ezagutza dute biek... bi zerbitzari publiko bikain dira, eta ibilbide ezin hobea eta interes orokorraren defentsarekiko konpromisoa dute", esan du Sanchezek.
Felipe VI.a Espainiako presidenteari jakinarazi ondoren egin ditu publiko izendapenak Sanchezek. Ondo bidean, datorren asteartean egingo dute karguen zina, Zarzuela Jauregian, eta egun horretan bertan egingo den Ministroen Kontseiluan parte hartuko dute.
Sanchezek legealdi honetan bosgarren aldiz egin ditu aldaketak Gobernuan. Oraingoan, bi gizonezkok hartuko dute bi emakumezkok utziko duten lekua, baina, halere, emakumeen kopuruak handiagoa izaten jarraituko du.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".