Andueza: "Estatuko Etxebizitza legeak ez ditu eskuduntzak urratzen, inondik inora"
Eneko Andueza PSE-EEko idazkari nagusiaren esanetan, Estatuko etxebizitza legeak ez ditu Eusko Jaurlaritza osatzen duten bi alderdiak (EAJ eta PSE-EE bera) aurrez aurre jarri, kontrakoa baizik: "Arriola sailburuak Gobernuaren aldetik dugun posizioa eman zuen, eta uste dut gobernu osoaren posizioa dela". Horren ustez, Sanchezen gobernuak bultzatutako araua EAEko etxebizitza legearen "osagarria" da. Gainera, Aitor Esteban diputatu jeltzaleak atzo egindako adierazpenak direla eta —eskuduntzak urratzen dituela salatu zuen—, honakoa azpimarratu du: "Estatuko Etxebizitza legeak ez ditu eskuduntzak urratzen, inondik inora".
Espainiako Gobernuak EH Bildurekin eta ERCrekin adostutako Etxebizitza legeak eragin duen eztabaida politikoa ahotan hartu du, horrenbestez, Anduezak, Radio Euskadiko "Boulevard" saioan egin dioten elkarrizketa batean. Arauak alokairuaren prezioari muga jartzea ahalbideratuko du, besteak beste. Hain justu, hori nabarmendu du PSE-EEko buruak: "Lege horrek erreminta gehiago emango dizkie tokiko zein foru erakundeei pertsona zaurgarriak babesteko eta alokairuaren politikak sustatzeko". Anduezak gogorarazi duenez, "hori da EAJren alkateren batek, bereziki Donostiakoak, eskatutako gauzetako bat".
Hala, iragarri du Etxebizitza Sailak proposamenen bat helarazi diela foru ogasunei euren etxebizitza alokairurako jartzen duten pertsona fisiko horiei zerga abantailak emateko.
Bestalde, B-2 euskara eskakizuna eskatzeagatik Uliazpiren lan eskaintza publikoa baliogabetu zuen epaiaren kontra Gipuzkoako Foru Aldundiak jarritako helegitearen harira, Anduezak iragarri du sozialistak erabaki horretatik aldenduko direla —EAJ eta PSE-EEk osatzen dute foru gobernua—. "Ezin zen bestela izan, lan eskubideak ezin dira hizkuntza eskubideen gainetik egon kasu honetan", gaineratu du. Izan ere, horren ustean, hizkuntza eskubideak "bermatuta" daude lanpostuen % 64rako hizkuntza eskakizuna galdegiten delako.
Azkenik, Mikel Zabalzaren bahiketan eta heriotzan nahasitako Arturo Espejo Guardia Zibileko buruzagitzara igo dutela eta, Anduezak azpimarratu du "suminduta eta lotsatuta" dagoela eta hala jakinaraziko diola Fernando Grande-Marlaska Barne ministroari eta Zabalzaren familiari berari —azken horri "aurrez aurre"—, aukera duenean.
Albiste gehiago politika
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.