'Ertzainak borrokan' plataformak erakutsitako "intrantsigentzia" salatu dute EAEko alderdiek
Azken asteetan Ertzaintza barruan izandako ika-mika eta ostiral honetan Ertzaintzaren sindikatuek eta 'Ertzainak borrokan' plataformak egindako bileraren gainean mintzatu dira EAEko legebiltzarkideak larunbat honetan Radio Euskadiko "Parlamento en las Ondas" irratsaioan izandako eztabaidan. 'Ertzainak borrokan' plataformak erakutsitako "irmokeria eta totalitarismoa" kritikatu dituzte ordezkari politiko guztiek.
EAJ
Eusko Jaurlaritzak ez diela ertzainen eskaerei "jaramonik egiten" ukatu du Leixuri Arrizabalaga EAJko legebiltzarkideak, eta pozik agertu da Ertzaintzaren sindikatuek ez dutelako 'Ertzainak borrokan' plataformaren azalpenei "men egin".
Arrizabalagaren esanetan, ulergarriak dira lan-baldintzak hobetzeko eskaerak, baina "atzora arte ulertzen zailagoa zen ertzainen eta sindikatuen arteko zatiketa hori". "Sindikatuekin negoziazioaren bidera" itzultzeko deia egin du, azpimarratuz Segurtasun Saila ez dela "inoiz mahaitik altxatu ezta negoziazioak apurtu ere".
EH BILDU
Ikoitz Arrese EH Bilduko legebiltzarkideak ohartarazi duenez, 'Ertzainak borrokan' "amorerik ematen ez duen mugimendu totalitarioa da", eta polizia-eredua aldatzearen alde egin du, "Ertzaintzaren barruko hainbat alorretan jarrera gero eta bortitzagoak izaten ari direlako". Arresek nabarmendu duenez, "oso ideia politiko larri eta kaltegarriak dituen mugimendu bat da" 'Ertzainak borrokan', eta ez dela "egunetik egunera jaio".
PSE
Bestalde, Ekain Rico PSE-EEko legebiltzarkideak "eztabaida" eskatu du, eta defendatu du "Ertzaintza barruan ordezkaritza demokratikoa dutenak sindikatuak" direla. "Ertzaintzaren lan-harremanak hondatuta daude, eta horrek kezkatzen gaitu. Irtenbidea eztabaida da, ez dago besterik, eta hori langileek bozkatutako ordezkari sindikalen bidez egin behar da". Ricoren aburuz, Segurtasun Sailak "sindikatuekin hitz egin behar du".
ELKARREKIN PODEMOS
David Soto Elkarrekin Podemos koalizioko legebiltzarkideak ohartarazi duenez, "ultra ereduaren zantzuak" agertu dira Ertzaintzan, baina aitortu du agenteek materialei eta soldatei buruz egindako aldarrikapenak "erabat legezkoak" direla. Horren esanetan, "lan-baldintzen hondatzea poliziaren aurkako jarreraren haztegia izan da, azken urteetan Eusko Jaurlaritzaren partetik izandako pasibotasunak lagunduta".
PP
"Ertzaintza kudeatzen jakin ez izana" leporatu dio Carmelo Barrio Alderdi Popularreko bozeramaileak Segurtasun Sailari, eta autokritika egiteko eskatu dio. Polizia-ereduaren gaineko hausnarketa plazaratu du, eta galdetzea "zergatik egin duten hain kudeaketa txarra Segurtasuna Sailak eta Jaularitzak".
VOX
Azkenik, Amaia Martinez Voxeko legebiltzarkideak egoeraren erantzukizuna egotzi dio ere Segurtasun Sailari, "eztabaida faltagatik eta utzikeriagatik". "Nahi zuena lortu du Erkorekak: Ertzaintzaren kideen eta sindikatuen arteko borroka", gaineratu du.
Zure interesekoa izan daiteke
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".
Estebanek Ayusori erantzun dio "katetada" bere "aldarrikapen nazional nagusia kaña bat hartzea" dela eta Otegik "zureen ekarpena Gernikan Condor Legioa" izan zela
Isabel Diaz Ayuso Madrilgo Erkidegoko presidenteak Picassoren Gernika Euskadira aldi baterako eramateko "asmo nazionalistak" kritikatu ditu ordu batzuk lehenago, "katetada" direla esanez.
PPk eta UPNk, EH Bilduk Iruñean egin duen ekitaldiaren harira: "Nafarroa ez da inoiz euskalduna izango"
Sayasen esanetan, Nafarroa "forala eta espainiarra da historikoki, ordenamendu juridikoak hori diolako eta, batez ere, nafar gehienen nahia hori delako". Bestalde, Ibarrolak nabarmendu du UPNk bermatzen duela "Nafarroa euskal errepublikaren parte ez izatea".
Ertzaintzaren aurkako pintaketa gehiago egin dituzte Amurrion
Amurrioko futbol zelaian azaldu dira oraingoan pintaketak, eta agente bat seinalatu dute. Segurtasun Sailak gaitzetsi egin du gertatutakoa, eta salatu du horrelakoek zuzenean erasotzen dietela bizikidetzaren eta demokraziaren balioei.
EH Bai: "Euskal Herria nazio bat dela eta erabakitzeko eskubidea duela aldarrikatu dugu Aberri Egunean"
Baionan egin duen ekitaldian, Euskal Herria Baik nabarmendu du beste nazio batzuek duten eskubide berdinak izan behar dituela Euskal Herriak ere, "nazio bat delako".