Erkorekak, Ertzainak borrokan plataformaz: "Sindikatuek erabaki beharko dute makurtzen diren ala ez"
Ertzaintzako lan gatazkaren harira, Josu Erkoreka Eusko Jaurlaritzako lehen lehendakariorde eta Segurtasun Sailburuak onartu du eredua arriskuan jar dezaketen joerak badaudela, baina neurri batean sindikatuen gain dagoela Ertzainak borrokan plataformaren planteamenduetara makurtu ala ez erabakitzea. Era berean, azpimarratu du 8.000 ertzain inguruk osatzen dutela Ertzaintza eta horiek ere zeresan handia izango dutela batera edo bestera egiteko, "sindikatuak besarkatzeko" edo "mugimenduari gehiengoa eta zilegitasuna aitortzeko".
Ertzainak borrokan plataformako eta Ertzaintzako lau sindikatuetako (ErNE, ESAN, Euspel eta SIP) ordezkariek bilera egin dute gaur goizean, Segurtasun Sailarekin negoziatu beharreko puntuak zehazteko asmoz. Euskadi Irratiko "Faktoria" saioan egin dioten elkarrizketan Erkorekak adierazi duenez, sareetan izan du batzar horren berri eta ez daki zertarako edo zer helbururekin elkartu diren. Edozein kasutan, gogoratu du sindikatuek bakarrik dutela Ertzaintzako lan baldintzak negoziatzeko eskumena: "Guk gure solaskidetza sindikatuekin daukagu eta kito".
Aste honetan bertan Miren Gorrotxategi Elkarrekin Podemos-IUko legebiltzarkideak esandakoaren arabera, "Ertzaintza 'jusapolizatzen' ari da". Erkoreka sailburuak ez du espekulazioetan sartu nahi izan, baina ez du ukatu Jusapol elkartearekin (Guardia Zibilaren eta Poliziaren elkartea) paralelismorik dagoela.
Akordiorik ez
Ertzaintzako sindikatuak eta mugimendu asindikala Bilbon bildu dira, baina ez dute akordiorik lortu.
Batzarrean parte hartu dutenen iturriek jakitera eman dutenez, planteamenduak hurbil daude zenbait puntutan, baina desadostasunak dituzte beste batzuetan, eta, ondorioz, zaila izan da bileran zehar akordio bat ixtea.
Hala ere, Ertzaintzako sindikatuen artean -Erne, Esan, Euspel eta Sipe-, ez da baztertzen datozen orduetan jarrerak hurbiltzea.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.