PSNko eta Geroa Baiko ordezkariak bilduta daude, Nafarroako Gobernuaren negogoziazioa desblokeatzeko
PSNko eta Geroa Baiko ordezkariak aldebiko bilera egiten ari dira 10:00etatik Nafarroako Parlamentuan, Uxue Barkos buru duen koalizioak eskatu bezala, Foru Gobernua osatzeko negoziazioa desblokeatzeko.
Goizeko bileran akordioa lortzen bada, ziurrenik arratsaldean bilduko dira berriro, Zurekin Nafarroa koalizioa ere bertan dela, gobernu programa negoziatzen jarraitzeko.
Nolanahi ere, hiru alderdi horiek guztira 50 legebiltzarkidetik 21 dituzte, eta, beraz, EH Bilduren edo haren ordezkari batzuen abstentzioa beharko lukete, 2019an gertatu zen bezala.
Geroa Baik negoziazio mahaiaren azken bi bileretara ez joatea erabaki zuen, Pablo Azcona parlamentariak azaldu zuenez, sozialistek oraindik argitu gabe zutelako etorkizuneko gobernuan "bakoitzak zein eginkizun instituzional izango duen".
Horren ostean, Maria Chivite (PSN) Nafarroako Gobernuko presidentegaiak esan zuen ez zuela inorekin harremanak hausteko asmorik, baina "borroka txikiak eta barne arazoak" alde batera uzteko deia egin zuen, "aurrera egingo duen gobernu bat" baieztatzeko.
Azkenik, Zurekin Nafarroak onartu du Geroa Bairen eta PSNren arteko aldebiko bilerak egitea, hiru aldeko negoziazioa egin aurretik, korapiloa askatzeko eta balizko itun bat bilatzeko.
Ramon Alzorrizek, Maria Chivite PSNko idazkari nagusiak gidatutako negoziazioa zuzenduko duenak, adierazi du Geroa Bairekin bilduko direla "hitz egiteko, negoziatzeko, baina inolaz ere ez adosteko, akordio horretan 21 boto egon behar direlako".
Hautetsontziek eman duten banaketarekin (11 eserleku PSNrentzat, 7 Geroa Bairentzat eta 3 Zurekin Nafarroarentzat), onartu zuen sozialistek kargu instituzional jakin batzuk nahi dituztela esan izana, "gobernu aurrerakoia osatzen duen espazio horretan Nafarroako herritarrek indar handiagoa eman zigutela uste genuelako".
Zurekin Nafarroa koalizioaren izenean, Begoña Alfarok ziurtzat jo du astelehen arratsaldean Geroa Bai bileran izango dela, baina azpimarratu du aldebiko bilera horretan ezin dela gobernuari buruzko gairik adostu.
Geroa Bai "pozik" agertu da PSNk bilera batera deitu ostean, eta negoziazioak "gutxieneko konfiantza, errespetua eta leialtasuna" behar dituela azpimarratu du.
Koalizioak iragarri du "irmo" arituko dela negoziazioetan, eta "are beharrezkoagoa" bihurtzen dela udalen eraketan gertatutakoaren ondoren, PSNk udalerri askotan emandako botoari erreferentzia eginez; izan ere, herri horietan, EH Bilduri berariazko babesa ez emateagatik, zerrenda bozkatuenek lortu dute alkatetza, UPNko hautagaiek.
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.