Evoleren filma Zinemaldian eman behar dutela eta, elkarren aurkako iritziak eman dituzte ETAko bi biktimak
Josu Urrutikoetxea ETAko buruzagi izandakoari egindako elkarrizketa oinarri Jordi Evole kazetariak egindako filmaren (No me llame Ternera) Donostiako Zinemaldian estreinatzeak polemika eragin du, eta 500 pertsona baino gehiagok "Made in Spain" ataletik kentzeko eskatu dute, "ETAren terrorismoa zuritzen" duela iritzita. Hain justu, dokumentala eskaini behar ote den galderari erantzun diote gaur ETAko bi biktimak Radio Euskadiren "Boulevard" saioan: Ana Aizpirik eta Mireia Lluchek. Lehenengoa kontra mintzatu da, eta bigarrena, aldiz, alde.
Ana Aizpiri Sebastian Azpiri ETAk 1988an eraildako enpresaburuaren arreba da, eta filma ez emititzeko eskatu dutenetako bat. Horren ustez, dokumentala ematea "moralki gaitzesgarria, mingarria eta onartezina da", eta proiekzioa bertan behera uztea galdegin du. "Nire zergekin, ez", aldarrikatu du. Aizpirik azpimarratu duenez, Urrutikoetxea "ez da edozein terrorista" eta filma "ohore guztiekin estreinatuko dute" eta nazioartean proiekzioa izango du. Aitortu du, baina, ez duela filma ikusi —ostiralean, hilaren 22an, estreinatuko dute—.
Mireia Lluch Ernest Lluch Kataluniako politikariaren alabak (ETAk 2000. urtean hil zuen) nabarmendu du ez duela pelikula ikusi, eta hortaz, "zail" egiten zaiola estreinatu daitekeen ala ez esatea. "Zentzu askorik ez duen aurretiazko zentsura da", argudiatu du. Horren ildoan, pelikula jaialdirako hautatu duten adituen eta Jose Luis Rebordinos Zinemaldiko zuzendariaren irizpidean konfiantza duela esan du. ETAko biktima horren esanetan, "ezinbestekoa da biktimarioei entzutea, nahiz eta nik errespetu gutxi izan eurekiko. Hitz egiteko eskubidea dute. Gatazka zer izan zen ulertzeko beharrezkoa da. Zati bat kanpoan uzten badugu, ez dugu inoiz ulertuko zer gertatu zen".
Zure interesekoa izan daiteke
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.